ជារៀងរាល់ឆ្នាំ នៅប្រទេសចក្រភពអង់គ្លេស មានមនុស្សជាង ១០០០នាក់ ត្រូវបានគេធ្វើរោគវិនិច្ឆ័យរកឃើញជំងឺមហារីករន្ធគូថ ដែលអាចឈានទៅរកការស្លាប់។
បើយោងតាមក្រុមអ្នកស្រាវជ្រាវជំងឺមហារីកនៅ ចក្រភពអង់គ្លេស បានបង្ហាញថា ជំងឺមហារីករន្ធគូថ ភាគច្រើនកើតមានចំពោះមនុស្សស្រីច្រើនជាងបុរស ហើយមានអត្រាកើនឡើងរហូតដល់ទៅ ១៣០ភាគរយ ចាប់តាំងពីឆ្នាំ ១៩៧០មក។ ជំងឺនេះកម្រនឹងបង្ហាញរោគសញ្ញាណាស់ ដែលបណ្តោលឲ្យអត្រាមរណភាព ចំពោះអ្នកជំងឺមានការកើនឡើងកាន់តែខ្ពស់។
មូលហេតុចម្បងដែលបណ្តោលឲ្យកើតមានជំងឺមហារីករន្ធគូថ គឺវីរុស HPV ហើយវីរុសនេះក៏អាចបណ្តោលឲ្យកើតជំងឺមហារីកមាត់ស្បូន មហារីកទ្វារមាស មហារីកស្បូន មហារីកក្រពេញអូវែ មហារីកលិង្គ និងមហារីកបំពង់កផងដែរ។ វីរុស នេះអាចឆ្លងតាមរយ:ស្បែក ឬតាមការរួមភេទតាមទ្វារមាស រន្ធគូថ ឬមាត់មនុស្សដែលមានផ្ទុកវីរុស។
ខាងក្រោមនេះ គឺជារោគសញ្ញានៃជំងឺមហារីករន្ធគូថ ដែលយើងគួរតែដឹងគ្រប់គ្នា៖
ឈាមហូរតាមលាមក
រោគសញ្ញាទូទៅបំផុតនៃជំងឺមហារីករន្ធគូថ គឺមានការហូរឈាមតាមលាមក ហើយករណីនេះកើតមានប្រហែលជា៥០ភាគរយនៃអ្នកជំងឺទាំងអស់។
ដុះដុំសាច់តូចៗ
ប្រសិនបើអ្នកយកដៃស្ទាបស្រាប់តែប៉ះដុំសាច់តូចៗ ដុះនៅជុំវិញរន្ធគូថ នោះបង្ហាញថា អ្នកកំពុងតែកើតមានជំងឺមហារីក។ ប៉ុន្តែករណីនេះ ក៏អាចច្រឡំជាមួយនឹងជំងឺឬសដូងបាតផងដែរ។
ឬសដូងបាត
ការកើនឡើងនៃទំហំ ឬសដូងបាត ក៏អាចជារោគសញ្ញាព្រមាននៃជំងឺមហារីករន្ធគូថផងដែរ។
ឈឺចាប់ជុំវិញរន្ធគូថ
ប្រហែលជា៣០ភាគរយ នៃករណីជំងឺមហារីករន្ធគូថ ត្រូវបានបង្ហាញរោគសញ្ញាតាមរយ:ការឈឺចាប់រន្ធគូថ។ ហេតុនេះ អ្នកគួរតែស្វែងរកការព្យាបាល ប្រសិនបើអ្នកមានរោគសញ្ញាដូចជា ហើមក្រហម ឬឈឺចាប់នៅជុំវិញរន្ធគូថ៕
ប្រភព: soha
មតិយោបល់