ព័ត៌មានសុខភាព

ឃ្មុំទិច ប្រើគ្រឿងទេសមួយនេះភ្លាមបានផលភ្លែត!

តើអ្នកធ្លាប់ត្រូវឃ្មុំទិចឬទេ? ពេលត្រូវឃ្មុំទិចភ្លាមអ្នកច្បាស់ជាមានការឈឺចាប់ ស្បែកឡើងហើមក្រហមបន្តិចម្តងៗ ហើយមានភាពរមាស់ថែមទៀត។ នេះដោយសារតែការជ្រាបនៃពិសឃ្មុំធ្វើឲ្យស្បែកមានប្រតិកម្មអាឡែស៊ី។ ប្រសិនបើអ្នកមិនធ្វើការព្យាបាល វានឹងហើមរហូតរយ:ពេល ៣ទៅ៤ថ្ងៃទើបស្រករាបស្មើដូចដើមវិញ។ ទោះជាយ៉ាងណា បើយោងតាមគេហទំព័រ boldsky បានបង្ហាញថា ឃ្មុំទិចអាចព្យាបាលបានភ្លាមៗ ដោយប្រើធាតុផ្សំប្រចាំផ្ទះបាយសាមញ្ញៗប៉ុណ្ណោះ។

ខ្ទឹមស ត្រូវបានគេរកឃើញថា មានផ្ទុកសារធាតុប្រឆាំងអុកស៊ីតកម្ម អង់ទីអុកស៊ីដកម្ម និងសារធាតុប្រឆាំងការរលាក ដែលអាចជួយទប់ស្តាត់ការឈឺចាប់យ៉ាងមានប្រសិទ្ធភាព។

របៀបអនុវត្ត៖
១.ដំបូងអ្នកត្រូវយកខ្ទឹមស ទៅបុកឲ្យម៉ត់ រួចពូតយកទឹក។
២.បន្ទាប់មកលាបនៅត្រង់តំបន់ដែលត្រូវឃ្មុំទិច។
៣.ទុករយ:ពេល ២០នាទី ទើបលាងសម្អាតចេញ។

ម្យ៉ាងវិញទៀត ប្រសិនបើអ្នករកខ្ទឹមសមិនទាន់ទេ អ្នកអាចប្រើប្រាស់ក្បាលទឹករបស់វា(ទឹកឃ្មុំ) មកលាបនៅត្រង់កន្លែងឃ្មុំទិច ហើយយកប្រើបង់រុំរយ:ពេល ៣០នាទី ទើបស្រាយចេញ។

អនុវត្តវិធីនេះ ការឈឺចាប់នឹងត្រូវកាត់បន្ថយ និងហើមដោយសារតែពិសឃ្មុំនឹងត្រូវការបន្ថយបន្តិចម្តងៗរហូតទាល់តែលែងឈឺ៕

ប្រភព៖ boldsky

មតិយោបល់