នៅពេលដែលយើងទទួលទានពោតអាំង ឬពោតក៏ស្ងោរ តែងតែមានទម្លាប់បោចសក់របស់វាបោះចោលទាំងអស់ សូម្បីតែមួយសរសៃក៏មិនឲ្យជាប់ផង។ ក៏ប៉ុន្តែ តើអ្នកដឹងទេសក់ពោតគឺជាឱសថដ៏ល្អបំផុតសម្រាប់សុខភាព? សក់ពោតត្រូវបានគេរកឃើញថា សម្បូរទៅដោយសារធាតុចិញ្ចឹមសំខាន់ៗច្រើនជាងគ្រាប់របស់វាទៅទៀត។ បើយោងតាមគេហទំព័រ boldsky បានបង្ហាញថា សក់ពោតមានសមត្ថភាពអាចព្យាបាល និងការពារជំងឺជាច្រើនមុខ ដែលមនុស្សគ្រប់គ្នានឹកស្មានពុំដល់។

ខាងក្រោមនេះ គឺជាអត្ថប្រយោជន៍ដ៏អស្ចារ្យទាំង ១០យ៉ាងដែលបានមកពីសក់ពោត៖

១.កាត់បន្ថយជាតិស្ករក្នុងឈាម
សក់ពោត គឺជាថ្នាំដ៏ល្អសម្រាប់អ្នកដែលមានសម្ពាធឈាមឡើងខ្ពស់ ព្រោះវាអាចជួយបញ្ចុះជាតិស្ករក្នុងឈាមដោយបង្កើនកម្រិតអាំងស៊ុយលីននៅក្នុងខ្លួនឡើងវិញ។ មិនតែប៉ុណ្ណោះ វាក៏ជាថ្នាំធម្មជាតិសម្រាប់ព្យាបាលជំងឺទឹកនោមផ្អែម ជំងឺខ្សោយបេះដូង ស្ទះសរសៃឈាម និងកូលេស្តេរ៉ុលឡើងខ្ពស់ផងដែរ។

២.ផ្តល់វីតាមីន C
សក់ពោត មានផ្ទុកវីតាមីន C ដែលជាអង់ទីអុកស៊ីដង់ដ៏មានឥទ្ធិពលបំផុតក្នុងការជួយការពារជំងឺសរសៃឈាមបេះដូង។ ជាងនេះទៅទៀត វាក៏មានតួនាទីជួយរំញោចចរាចរណ៍ឈាម បញ្ចូនទៅកាន់សរីរាង្គសំខាន់ៗទាំងអស់នៃរាងកាយ បានយ៉ាងល្អ។

៣.កាត់បន្ថយជំងឺរលាកសន្លាក់
ជំងឺរលាកសន្លាក់ គឺជាជំងឺមួយដែលកើតឡើងចំពោះមនុស្សមួយចំនួនដែលមានកម្រិតអាចស៊ីតអ៊ុយរិកខ្ពស់នៅក្នុងឈាម។ ក៏ប៉ុន្តែសក់ពោត ត្រូវបានគេទទួលស្គាល់ថា មានប្រសិទ្ធភាពអាចជួយកាត់បន្ថយការឈឺចាប់ដោយសារតែបញ្ហារលាកបានយ៉ាងងាយ។

៤.ព្យាបាលបញ្ហាតម្រងនោម
សក់ពោត គឺជាឱសថដែលអាចព្យាបាលបញ្ហាតម្រងនោម ដូចជា ការឆ្លងមេរោគលើផ្លូវបង្ហូរនោម ការឆ្លងមេរោគក្នុងប្លោកនោម រលាកប្រព័ន្ធទឹកនោម និងក្រួសក្នុងតម្រងនោមផងដែរ។

៥.បង្កើនការរំលាយអាហារ
សក់ពោត ពិតជាមានឥទ្ធិពលក្នុងការជួយបង្កើនការរំលាយអាហារ និងព្យាបាលបញ្ហារំលាយអាហារ។ បើយោងតាមការស្រាវជ្រាវបានបង្ហាញថា សក់ពោតអាចជួយជំរុញដល់ការបញ្ចេញទឹកប្រម៉ាត់ ដែលអាចជួយរំលាយអាហារបានត្រឹមត្រូវ។

៦.គ្រប់គ្រងលំហូរឈាម
សក់ពោត ត្រូវបានគេរកឃើញថា មានផ្ទុកវីតាមីន K ដែលមានសារ:សំខាន់បំផុតក្នុងការគ្រប់គ្រងលំហូរឈាម ជាពិសេសចំពោះស្ត្រីដែលមានផ្ទៃពោះ។ មិនតែប៉ុណ្ណោះ វាក៏អាចកាត់បន្ថយការហូរឈាមដោយសារតែការត្រូវរបួសផងដែរ។

៧.កាត់បន្ថយអាការឈឺក្បាល
សក់ពោតមានផ្ទុកសារធាតុប្រឆាំងនឹងការរលាក និងថ្នាំបំបាត់ការឈឺចាប់ ដែលអាចជួយកាត់បន្ថយការឈឺចាប់រ៉ាំរ៉ៃបាន។ ក្រៅពីនេះ វាអាចជួយកាត់បន្ថយភាពតានតឹងក្នុងអារម្មណ៍ បង្កើនចរន្តឈាម និងកាត់បន្ថយការឡើងរឹងនៅតំបន់ក និងថ្គាម។

៨.ផ្តល់អាហារូបត្ថម្ភ
សក់ពោត គឺជាប្រភពដ៏អស្ចារ្យនៃសារធាតុ បេតាការ៉ូទីន, ស៊ីលីញ៉ូម riboflavin, menthol, thymol, niacin និងសារធាតុចិញ្ចឹមសំខាន់ៗជាច្រើនទៀត។ សារធាតុចិញ្ចឹមទាំងអស់នេះ មិនចេះតែមាននៅក្នុងរុក្ខជាតិទាំងអស់នោះទេ ហេតុនេះហើយទើបវាក្លាយទៅជាប្រភពដ៏ល្អសម្រាប់សុខភាព។

៩.ជួយសម្រកទម្ងន់
សក់ពោតមានកម្រិតកាឡូរីទាប ដែលធ្វើឲ្យអ្នកមានអារម្មណ៍ឆ្អែត ជំរុញដល់ការរំលាយអាហារ គ្រប់គ្រងការរលាក និងជួយបណ្តេញកាកសំណល់ពុលចេញពីរាងកាយ។ គុណប្រយោជន៍ទាំងអស់នេះហើយ ដែលធ្វើឲ្យសក់ពោតត្រូវបានគេទទួលស្គាល់ថា ជាថ្នាំសម្រកទម្ងន់ពូកែបំផុត។

១០.ព្យាបាលបញ្ហាកន្ទួលរមាស់
សក់ពោត ត្រូវបានគេប្រើសម្រាប់ព្យាបាលបញ្ហាស្បែកដូចជា កន្ទួលរមាស់ និងឈឺចាប់ ដែលបណ្តោលមកពីសត្វល្អិតទិចឬខាំ។ លើសពីនេះទៅទៀត សក់ពោត មានលក្ខណ:សម្បត្តិប្រឆាំងនឹងបាក់តេរី ព្រមទាំងអង់ទីអុកស៊ីដង់ ដែលអាចជួយការពារការឆ្លងមេរោគផងដែរ៕

ប្រភព៖ boldsky