ករណីបុរសម្នាក់ដែលមានឈ្មោះថា Michael Sheridan អាយុ ៣២ឆ្នាំ នៅប្រទេសអៀវឡង់ ត្រូវបានដកធ្មេញចោលទាំងអស់ បន្ទាប់ពីលោកបានញៀននឹងភេសជ្ជ:មានផ្ទុកជាតិកាបូណាតរហូតដល់ ៦លីត្រក្នុងមួយថ្ងៃ។

វេជ្ជបណ្ឌិត David Murnaghan បាននិយាយថា ធ្មេញរបស់លោក Michael មានជំងឺធ្ងន់ធ្ងរ ព្រោះត្រូវពុកខូច ហើយអាចប៉ះពាល់អវិជ្ជមានដល់សុខភាពថែមទៀត បើមិនព្រមប្រញាប់ធ្វើការព្យាបាល។

លោក Michael មិនអាចទំពោរអ្វីបាននោះ សូម្បីតែអាហារធម្មតាៗ ហេតុនេះលោកទទួលទានបានតែទឹកដោះគោ និងស៊ុបទឹកៗមួយទសវត្សរ៍ចុងក្រោយនេះ។

ដោយសារតែញៀននឹងភេសជ្ជ:ដែលមានផ្ទុកជាតិកាបូណាត់ ៦លីត្រក្នុងមួយថ្ងៃ ធ្វើឲ្យធ្មេញទាំង ២៧របស់លោក Michael ត្រូវដកចេញក្នុងរយ:ពេល ២ម៉ោង ក្រោយពេលរងទុក្ខអស់រយ:ពេល ១០ឆ្នាំ។

បើយោងតាមលោកវេជ្ជបណ្ឌិត David បាននិយាយថា Michael ត្រូវបានដាក់បញ្ចូលធ្មេញ១២ប្រភេទ ដើម្បីប្រតិបត្តិការឡើងវិញ។ ប៉ុន្តែតម្លៃសេវាត្រូវបានអនុគ្រោះទាំងស្រុង ប្រសិនបើលោក ឈប់ទទួលទានភេសជ្ជ:ដែលមានផ្ទុកជាតិកាបូណាត។

ដោយសារតែករណីខាងលើនេះ ទើបអ្នកជំនាញបានធ្វើការព្រមានឲ្យមានការយកចិត្តទុកដាក់ចំពោះការថែរក្សាសុខភាពមាត់ធ្មេញឲ្យបានល្អ ជាពិសេសកាត់បន្ថយភេសជ្ជ:ដែលមានជាតិកាបូណាត ការជក់បារី និងសេពគ្រឿងស្រវឹងជាដើម៕

ប្រភព៖ soha