Post News Media ព័ត៌មានសុខភាព បើមានឈាមហូរខុ...

បើមានឈាមហូរខុសប្រក្រតីបែបនេះពេលមានផ្ទៃពោះ ប្រយ័ត្នគ្រោះថ្នាក់!

ការហូរឈាមតាមរយ:ទ្វារមាសតិចតួច ត្រូវបានគេចាត់ទុកជារឿងធម្មតាសម្រាប់ស្ត្រីដែលកំពុងតែមានផ្ទៃពោះ ក៏ប៉ុន្តែប្រសិនបើការហូរឈាមខុសប្រក្រតី អ្នកត្រូវប្រញាប់ទៅជួបគ្រូពេទ្យភ្លាម ព្រោះវាជាសញ្ញាព្រមានថា ទារកក្នុងផ្ទៃអាចប្រឈមនឹងការរលូត។ ខាងក្រោមនេះ គឺជាអាការមិនប្រក្រតីនៃការហូរឈាម ដែលអ្នកគួរតែប្រុងប្រយ័ត្ន៖

១.ហូរឈាមច្រើន មិនអាចគ្រប់គ្រងបាន។
២.ឈាមមានពណ៌ខ្មៅ អមជាមួយនឹងដុំពកក្នុងស្បូន។
៣.ឈាមមានពណ៌ថ្លា ប៉ុន្តែពេលហូរមានការឈឺចាប់។
៤.ពេលហូរឈាម មានអាការវិលមុខ ឬដួលសន្លប់។

ចំពោះស្ត្រីដែលប្រឈមនឹងបញ្ហាបែបនេះខ្ពស់ជាងគេ គឺស្ត្រីដែលមានអាយុលើ ៣៥ឆ្នាំ ស្ត្រីដែលផ្តល់កំណើតឲ្យកូនច្រើន ស្ត្រីដែលមានកូនភ្លោះ ឬស្ត្រីដែលធ្លាប់ធ្វើការវះកាត់សម្រាលកូន។

ដើម្បីជៀសផុតពីហានិភ័យរហូតកូន អ្នកគួរតែតាមដានសុខភាពជាមួយនឹងគ្រូពេទ្យយ៉ាងហោចណាស់ ៤ដង ចាប់តាំងពីត្រីមាសទីមួយ។ ជាពិសេស ប្រសិនបើអ្នកសម្គាល់ឃើញ ភាពមិនប្រក្រតីដូចខាងលើនេះ សូមប្រញាប់ទៅពិគ្រោះជាមួយគ្រូពេទ្យជាបន្ទាន់៕

ដកស្រង់ពី៖ pregnancyvideo