Post News Media ព័ត៌មានសុខភាព សញ្ញានៃជំងឺខ្...

សញ្ញានៃជំងឺខ្សោយបេះដូង មិនអើពើមិនបានឡើយ

ជំងឺខ្សោយបេះដូង កើតឡើងនៅពេលដែលសាច់ដុំបេះដូងមិនអាចបូមឈាមគ្រប់គ្រាន់ទៅកាន់ផ្នែកផ្សេងៗនៃរាងកាយ។ ជំងឺនេះ អាចបង្កឡើងដោយសារតែ សរសៃឈាមរួមតូច ចំពោះអ្នកជំងឺបេះដូង និងសម្ពាធឈាមឡើងខ្ពស់។

ទោះជាយ៉ាងណា មិនមែនមានតែមូលហេតុមួយនេះទេ ដែលអាចបង្កឲ្យកើតជំងឺខ្សោយបេះដូង គឺនៅមានមូលហេតុជាច្រើនទៀត។ តែជំងឺនេះអាចការពារបាន ប្រសិនបើអ្នកផ្លាស់ប្តូរទម្លាប់រស់នៅ ធ្វើលំហាត់ប្រាណទៀតទាត់ កាត់បន្ថយជាតិសូដ្យូម គ្រប់គ្រងភាពតានតឹង និងរក្សាទម្ងន់ឲ្យបានល្អ។

ខាងក្រោមនេះ គឺជារោគសញ្ញានៃជំងឺខ្សោយបេះដូង ដែលគ្រប់គ្នាពុំគួរមើលរំលងឡើយ៖

  • ពិបាកដកដង្ហើម ពេលដែលអ្នកធ្វើសកម្មភាព ឬកំពុងគេង
  • ចេះតែអស់កម្លាំង និងមានអារម្មណ៍ធុញទ្រាន់
  • ហើមកជើង និងជើង
  • ចង្វាក់បេះដូងលោតញាប់ខុសប្រក្រតី
  • ធ្វើលំហាត់ប្រាណឆាប់ហត់ មិនអាចស៊ូទ្រាំបានយូរ
  • ពេលក្អក ឬកណ្តាស់ មានកំហាសពណ៌ស ឬពណ៌ផ្តាឈូក
  • នោមច្រើននៅពេលយប់
  • កើតជំងឺដកទឹកក្នុងភ្នែក
  • ឡើងទម្ងន់លឿន និងលើសជាតិទឹកនៅក្នុងខ្លួន
  • ពិបាកក្នុងការផ្តោតអារម្មណ៍
  • ដង្ហើមខ្លី ក្អកខ្លាំងៗ និងមានស្លេស
  • ឈឺទ្រូង

បើមានរោគសញ្ញាដូចដែលបង្ហាញជូននៅខាងលើនេះ អ្នកគួរតែប្រញាប់ទៅជួបជាមួយគ្រូពេទ្យភ្លាម ដើម្បីធ្វើការពិនិត្យអំពីអាការជំងឺឲ្យបានច្បាស់លាស់ និងទទួលការព្យាបាលបានទាន់ពេល៕

ដកស្រង់ពី៖ soha