ក្រៅពីផ្សំនៅក្នុងអាហារឲ្យមានរសជាតិឈ្ងុយឆ្ងាញ់ តើអ្នកមានទេដឹងថាស្ករត្នោត ផ្តល់អត្ថប្រយោជន៍អ្វីខ្លះទៀត? ស្ករត្នោតត្រូវបានគេចាត់ចូលជាគ្រឿងទេសមួយប្រភេទដែលមានរសជាតិផ្អែមគួរឲ្យចង់ទទួលទាន ក៏ប៉ុន្តែមានមនុស្សតិចណាស់ដែលដឹងថា វាមានអត្ថប្រយោជន៍ចំពោះសុខភាព។ បើយោងតាមគេហទំព័រ soha បានចុះផ្សាយថ្មីៗនេះថា ស្ករត្នោតមានផ្ទុកនូវសារធាតុចិញ្ចឹមសំខាន់ៗជាច្រើនដែលមានអត្ថប្រយោជន៍យ៉ាងច្រើនលើសលប់សម្រាប់សុខភាព ហើយអាចទប់ទល់នឹងជំងឺមួយចំនួនទៀត។

ផ្តល់នូវសារធាតុរ៉ែយ៉ាងច្រើន
បើយោងតាមការស្រាវជ្រាបានរកឃើញថា ស្ករត្នោតមានសាធាតុរ៉ែចាំបាច់ខ្ពស់ជាងស្ករផ្សេងៗរហូតដល់ទៅ ៦០ដង។ ជាតិពិសេសរ៉ែដែក គឺជាសារធាតុសំខាន់សម្រាប់ស្ត្រីមានផ្ទៃពោះ ឬមនុស្សដែលខ្វះឈាម។

សម្បូរសារធាតិចិញ្ចឹម
ស្ករត្នោតមានផ្ទុកសារធាតុចិញ្ចឹមជាច្រើនដូចជា កាល់ស្យូម ប៉ូតាស្យូម ផូស្វ័រ… ជាពិសេសសារធាតុប្រឆាំងអុកស៊ីតកម្មជាច្រើនដែលអាចជួយការពារកោសិការបស់រាងកាយពីការខូចខាតដោយសារតែរ៉ាឌីកាល់សេរី។

បំបាត់ឈឺក្បាលប្រកាំង
អាការឈឺក្បាលប្រកាំង គឺជាជំងឺមួយប្រភេទដែលតែងតែកើតឡើងចំពោះមនុស្សក្នុងសម័យទំនើបនេះ។ ក៏ប៉ុន្តែ ស្ករត្នោតក៏អាចជួយព្យាលបញ្ហាមួយនេះបានដែរ ដោយគ្រាន់តែញ៉ាំប្រហែលជា ២០ក្រាម អ្នកនឹងមានអារម្មណ៍ធូរស្រាលវិញភ្លាម។

ល្អសម្រាប់កុមារ
ស្ករត្នោត មិនត្រឹមតែល្អសម្រាប់ប្រព័ន្ធរំលាយអាហារកុមារនោះទេ វាក៏ផ្តល់នូវអត្ថប្រយោជន៍ជាច្រើនសម្រាប់សុខភាពដែរ។ អត្ថប្រយោជន៍សំខាន់បំផុត គឺបង្កើនប្រព័ន្ធភាពស៊ាំ បង្ការភាពស្លេកស្លាំង លាងសម្អាតថ្លើម និងជួយរក្សាឆ្អឹងឲ្យមានសុខភាពល្អ។ តែទោះជាយ៉ាងណាក៏ដោយ ស្ករត្នោតគួរតែប្រើក្នុងកម្រិតមធ្យម។

ការពារបញ្ហាទល់លាមក
ស្ករត្នោតអាចជួយឲ្យប្រព័ន្ធពោះវៀនដំណើរការបានល្អ ហើយការទទួលទានជាប្រចាំអាចជួយការពារការទល់លាមចំពោះកុមារ។ មិនតែប៉ុណ្ណោះ វាអាចធ្វើឲ្យអង់ហ្ស៊ីមរំលាយអាហារមានភាពសកម្ម និងលើកកម្ពស់ដល់ការំលាយអាហារចំពោះកុមារតូចៗ។

ជួយឲ្យឆ្អឹងមានភាពរឹងមាំ
សារធាតុរ៉ែ កាល់ស្យូម ផូស្វ័រ ព្រមទាំងសារធាតុចិញ្ចឹមចាំបាច់ ដែលមាននៅក្នុងស្ករត្នោត អាចជួយរក្សាឆ្អឹង និងជាលិការបស់កុមារឲ្យមានសុខភាពល្អ។

ប្រយុទ្ធប្រឆាំងនឹងជំងឺគ្រុនផ្តាសាយ
ប្រព័ន្ធភាពស៊ាំរបស់កុមារមានភាពទន់ខ្សោយ ដូច្នេះពួកគេអាចងាយនឹងកើតជំងឺគ្រុនផ្តាសាយ រួមទាំងក្អកជាញឹកញាប់។ ក៏ប៉ុន្តែស្ករត្នោតមានតម្លៃអាហារូបត្ថម្ភខ្ពស់ ដែលអាចជួយព្យាបាលរោគសញ្ញានៃជំងឺផ្តាសាយ និងគ្រុនផ្តាសាយបាន។

បង្កើនប្រព័ន្ធភាពស៊ាំ
សារធាតុប្រឆាំងអុកស៊ីតកម្ម និងសារធាតុរ៉ែដ៏សម្បូរបែបដូចជា សេលេនីញ៉ូម និងស័ង្កសី អាចជួយការពារកុំឲ្យគ្រោះថ្នាក់ដល់កោសិកា ដោយសារតែសកម្មភាពរបស់រ៉ាឌីកាល់សេរី។ នេះជាហេតុផលដែលធ្វើឲ្យស្ករត្នោត មានសមត្ថភាពបង្កើនប្រព័ន្ធភាពស៊ាំប្រឆាំងនឹងមេរោគផ្សេងៗ។

ល្អសម្រាប់ស្បែក
បើទោះបីជាអ្នកមានមុន ឬបូសនៅលើស្បែក ក៏ដោយស្ករត្នោតអាចជួយសម្រាលបាន។ គ្រាន់តែអ្នកញ៉ាំស្ករត្នោតជារឿយៗប្រចាំថ្ងៃ ស្បែករបស់អ្នកនឹងត្រលប់មកជាស្រស់ស្អាត ហើយគ្មានបញ្ហាលើស្បែកទៀតឡើយ។

ផ្តល់ថាមពល
ស្ករត្នោតមានផ្ទុកសារធាតុកាបូនអ៊ីដ្រាត ដែលអាចជួយដល់រាងកាយក្នុងការរំលាយលឿនជាងស្ករស។ ប្រសិនបើអ្នកញ៉ាំស្ករត្នោតវានឹងរក្សាទុកថាមពល ហើយបញ្ចេញមកប្រើប្រាស់ពេលដែលចាំបាច់។

ទាំងអស់នេះហើយ គឺជាអត្ថប្រយោជន៍ដ៏ច្រើនលើសលប់នៃស្ករត្នោត ក៏ប៉ុន្តែអ្នកក៏គួរតែកំណក់ការប្រើប្រាស់ផងដែរ ដើម្បីឲ្យប៉ះពាល់ដោយសារតែការទទួលទានជ្រុល៕

ដកស្រង់ពី៖ soha