ព័ត៌មានសុខភាព

គួរឲ្យបារម្ភណាស់! ទឹកនោមផ្អែមជាឃាតករលាក់មុខ កំពុងតែកើនឡើងយ៉ាងខ្លាំង

ជំងឺទឹកនោមផ្អែម កំពុងតែមានការកើនឡើងយ៉ាងឆាប់រហ័ស នៅទូទាំងពិភពលោក ជាពិសេសនៅតាមបណ្តោលប្រទេសកំពុងតែអភិវឌ្ឍន៍។
បើយោងតាមអង្គការពិភពលោក WHO បានបង្ហាញថា ជំងឺទឹកនោមផ្អែមនៅទូទាំងពិភពលោកបានកើនឡើង ៥៤ភាគរយ ក្នុងរយ:ពេល ២០ឆ្នាំចុងក្រោយនេះ។ នៅឆ្នាំ ២០១៥ មានមនុស្សពេញវ័យ ៤១៥លាននាក់នៅទូទាំងពិភពលោកបានកើតជំងឺទឹកនោមផ្អែម ហើយត្រូវបានគេរំពឹងថា នឹងកើនឡើងដល់ ៦៤២លាននាក់ នៅត្រឹមឆ្នាំ ២០៤០។

បច្ចុប្បន្ន វាត្រូវបានគេប៉ាន់ស្មានថា មនុស្សពេញវ័យម្នាក់ក្នុងចំណោម ១១នាក់មានជំងឺទឹកនោមផ្អែម ហើយនៅឆ្នាំ ២០៤០មនុស្សពេញវ័យ ១០នឹងមានម្នាក់ដែលមានជំងឺនេះ។

គួរឲ្យកត់សម្គាល់ នេះជាជំងឺមួយក្នុងចំណោមជំងឺជាច្រើន ដែលអាចសម្លាប់មនុស្សដោយសន្សឹមៗ ហើយគ្មានថ្នាំព្យាបាលឲ្យជាសះស្បើយឡើបើវាឈានដល់ដំណាក់កាលធ្ងន់ធ្ងរ។

អង្គការពិភពលោក WHO បានណែនាំថា ជំងឺទឹកនោមផ្អែមជាឃាតករសម្ងាត់ ដែលអាចបណ្តោលឲ្យមានផលវិបាកធ្ងន់ធ្ងរដូចជា ពិការភ្នែក ដំបៅអវយវ:ត្រូវកាត់ចោល ខ្សោយតម្រងនោម មានបញ្ហាសរសៃឈាមអាកទែ និងបេះដូង។

ចំនួនអ្នកស្លាប់ដោយសារជំងឺទឹកនោមផ្អែមក្នុងឆ្នាំ ២០១៥មានចំនួន ៥លាននាក់ ខណ:ដែលចំនួនអ្នកស្លាប់ដោយសារជំងឺអេដស៍ មាន១,៥លាននាក់ ជំងឺរបេងមាន ១,៥លាននាក់ និងអ្នកស្លាប់ដោយសារជំងឺគ្រុនចាញ់មាន ៦០០ពាន់នាក់។ ដូច្នេះចំនួននៃការស្លាប់ដោយសារជំងឺទឹកនោមផ្អែម គឺខ្ពស់ជាងជំងឺឆ្លងដែលត្រូវបានគេចាត់ទុកថា មានគ្រោះថ្នាក់។

ដើម្បីការពារជំងឺទឹកនោមផ្អែម អ្នកចាំបាច់ត្រូវប្រកាន់ខ្ជាប់នូវបៀបរស់នៅដែលមានសុខភាពល្អ ទទួលទានអាហារបំប៉នឲ្យបានគ្រប់គ្រាន់ និងហាត់ប្រាណទៀងទាត់។ លើសពីនេះទៅទៀត អ្នកត្រូវធ្វើតេស្តជាតិស្ករក្នុងឈាមជាប្រចាំ ដើម្បីរកមើលរោគសញ្ញាដំបូង និងព្យាបាលបានទាន់ពេលវេលា៕

ដកស្រង់ពី៖ soha

មតិយោបល់