មនុស្សជាច្រើនដឹងត្រឹមថា អ្នកដែលមានបបូរមាត់ស្លេកស្លាំងច្បាស់ជាមានជំងឺអ្វីមួយជាពុំខាន។ ប៉ុន្តែអ្នកទាំងនោះមិនទាន់ដឹងថា ពណ៌បបូរមាត់ផ្សេងៗទៀតអាចបញ្ជាក់ពីបញ្ហាសុខភាពឡើយ។

បបូរមាត់ក្រហមខ្លាំង

បបូរមាត់មានពណ៌ក្រហមខ្លាំងមិនមែនជាសញ្ញាល្អនោះទេ មានន័យថា ថ្លើម និងលំពែងរបស់អ្នកកំពុងតែទទួលរងនូវសម្ពាធ។ កត្តាមួយនេះអាចនាំឲ្យមានក្លិនមាត់មិនល្អ និងចំណង់អាហារច្រើន។

តើអ្នកគួរធ្វើអ្វី?

អ្នកគួរបរិភោគអាហារអត់ដូចជា តែ ឬម្រះ… ជាដើម ហើយព្យាយាមចូលគេងពីប្រលប់ និងជៀសវាងសកម្មភាពស្ត្រេសដើម្បីរាងកាយឆាប់ជាសះស្បើយ។

បបូរមាត់ពណ៌ស្វាយ

ជាធម្មតាក្នុងខែរងារបបូរមាត់នឹងប្រែពណ៌បែបនេះ ប៉ុន្តែប្រសិនបើបបូរមាត់មានពណ៌បែបនេះរហូត អ្នកគួរតែទៅពិគ្រោះជាមួយនឹងគ្រូពេទ្យភ្លាម ព្រោះវាអាចបណ្តោលមកពីបញ្ហាបេះដូង ឬផ្លូវដង្ហើម។

បបូរមាត់ពណ៌ផ្កាឈូកស្លេក ឬប្រផេះ

បញ្ហាមួយនេះដោយសារតែអុកស៊ីសែនមិនអាចបញ្ចូនកោសិកាឈាមក្រហមទៅកាន់បបូរមាត់បានគ្រប់គ្រាន់ ហើយរាងកាយខ្វះកោសិកាឈាមក្រហម។ មានន័យថា រាងកាយមានភាពត្រជាក់ ហើយប្រព័ន្ធរំលាយអាហារដំណើរការយឺត។

តើអ្នកត្រូវគួរអ្វី?

បរិភោគអាហារក្តៅ ហើយអាហារដែលសម្បូរវីតាមីន C និងដែក ដូចជាផ្កាខាត់ណា, សាច់ក្រហម…។

បបូរមានពណ៌ក្រហមក្រម៉ៅ

ប្រសិនបើបបូរមាត់របស់អ្នកមានពណ៌ក្រហមក្រម៉ៅ មានន័យថាប្រព័ន្ធរំលាយអាហាររបស់អ្នកធ្វើការហួសកម្លាំង ហើយមុខងាររបស់វាដំណើរការមិនត្រឹមត្រូវ។

តើអ្នកគួរតែធ្វើអ្វី?

ឧស្សាហ៍ញ៉ាំអាហារដែលសម្បូរជាតិសសៃ និងពិសារទឹកក្តៅជាមួយក្រូចឆ្មា។ មិនតែប៉ុណ្ណោះ អ្នកគួរតែជៀសវាងអាហារកែច្នៃ។

មានបន្ទាត់ក្រហមក្រម៉ៅ ឬស្វាយនៅជុំបបូរមាត់

ចំណុចនេះបង្ហាញថា រាងកាយរបស់អ្នកអតុល្យភាព ហើយអ្នកនឹងមានអារម្មណ៍ក្តៅ និងរងាក្នុងពេលតែមួយ។

តើអ្នកគួរតែធ្វើអ្វី?

ជៀសវាងញ៉ាំអាហារកែច្នៃ និងហិល។ សូមបរិភោគអហារដូចជា ដំឡូង, ការរ៉ុត, ត្រី… ដើម្បីជួយឲ្យរាងការមានសុខភាពល្អ។

បបូរមាត់ពណ៌ផ្កាឈូកបែបធម្មជាតិ

មានតែបបូរមាត់ពណ៌ផ្កាឈូកបែបធម្មជាតិនោះទេ ដែលបញ្ជាក់ថា រាងកាយរបស់អ្នកពិតជាមានសុខភាពល្អ៕