Post News Media ព័ត៌មានសុខភាព ធ្លាប់គិតថាគ្...

ធ្លាប់គិតថាគ្មានប្រយោជន៍ តែថ្ងៃនេះទើបដឹងថាសំបកវាអស្ចារ្យប៉ុណ្ណា

ជារឿយៗ សំបកដំឡូងបារាំង ត្រូវបានគេបោះបង់ចោល បន្ទាប់ពីចម្អិន ហើយជួនកាលគេចិតវាចេញមុនពេលកែច្នៃធ្វើជាអាហារផ្សេងៗ។ ទោះជាយ៉ាងណា ការពិតដែលគ្រប់គ្នាមិនធ្លាប់ដឹងនោះ គឺសំបកដំឡូងបារាំង ផ្តល់អត្ថប្រយោជន៍យ៉ាងច្រើនចំពោះសុខភាព។ អ្នកឯកទេស បានណែនាំថា អ្នកគួរតែញ៉ាំដំឡូងបារាំង ទាំងសំបក ព្រោះវាអាចផ្តល់នូវអត្ថប្រយោជន៍ច្រើនយ៉ាង។

គ្រប់គ្រងសម្ពាធឈាម
ដំឡូងបារាំង សម្បូរទៅដោយប៉ូតាស្យូម ដែលជាសមាសធាតុជួយគ្រប់គ្រងសម្ពាធឈាម។ នៅពេលដែលអ្នកដំណើរការចម្អិនដំឡូងបារាំង គួរតែទុកសំបក ព្រោះប៉ូតាស្យូម ស្ថិតនៅក្នុងសំបកច្រើនណាស់។ សារធាតុនេះ អាចជួយរក្សាសរសៃឈាមឲ្យដំណើរការបានល្អ ហេតុនេះវាអាចជួយទប់ស្តាត់បញ្ហាសម្ពាធឈាមឡើងខ្ពស់បាន។

ល្អសម្រាប់ប្រព័ន្ធរំលាយអាហារ
ប៉ូតាស្យូម មិនត្រឹមតែល្អសម្រាប់គ្រប់គ្រងសម្ពាធឈាមនោះទេ សូម្បីតែប្រព័ន្ធរំលាយអាហារក៏ដូចគ្នាដែរ។ បើយោងតាមអ្នកជំនញបានបង្ហាញថា នៅពេលអ្នកញ៉ាំសំបកដំឡូងបារាំង ជាតិសរសៃនឹងទទួលបានដោយស្វ័យប្រវត្តិ។

បង្ការភាពស្លេកស្លាំង
ប្រសិនបើអ្នកចង់បង្ការកង្វះជាតិដែក ឬភាពស្លេកស្លាំង យកល្អគួរទទួលទានសំបកដំឡូងបារាំង ជាមួយនឹងបន្លែផ្សេងៗ។ សំបកដំឡូងបារាំងត្រូវបានគេរកឃើញថា អាចជួយបង្កើនកម្រិតជាតិដែកនៅក្នុងរាងកាយ។

ផ្តល់ថាមពល
ដំឡូងបារាំង មានផ្ទុកវីតាមីន B3 និង niacin ដែលអាចជួយបង្កើនកម្រិតថាមពលដល់រាងកាយពេញមួយថ្ងៃ។ ជាពិសេស សារធាតុ niacin ដើរតួនាទីជួយសម្រួលដល់ការបំលែងកាបូនអ៊ីដ្រាតទៅជាថាមពល។

អ្នកជំនាញបាននិយាយថា ប្រសិនបើអ្នករក្សាទម្លាប់ទទួលទានដំឡូងបារាំងទាំងសំបក វានឹងជួយការពារជំងឺមហារីកពោះវៀនធំ បាន ដោយសារតែជាតិសរសៃ ធ្វើឲ្យប្រព័ន្ធរំលាយអាហារដំណើរការមានភាពប្រសើរឡើង៕