ការក្លាយទៅជាឪពុករបស់គេមិនមែនជារឿងលេងសើចនោះឡើយ ព្រោះបន្ទុកគ្រប់យ៉ាងត្រូវធ្លាក់មកលើរូបអ្នក នៅពេលដែលភរិយារបស់អ្នកសម្រាល។ មិនតែប៉ុណ្ណោះអ្នកត្រូវហ៊ានលះបង់ និងព្យាយាមធ្វើរឿងមួយចំនួនទៀត ដើម្បីឲ្យជីវិតរបស់កូនមានភាពល្អប្រសើរ។
ផ្នែកហិរញ្ញវត្ថុ
មុនពេលសម្រេចចិត្តយកកូន អ្នកត្រូវមានធនធានឲ្យបានច្រើន ដើម្បីត្រៀមចំណាយទៅលើផ្នែកវិជ្ជសាស្ត្រ ការរស់នៅប្រចាំថ្ងៃ និងការអប់រំរបស់កូនទៅថ្ងៃមុខ។ ដូច្នេះហើយ អ្នកត្រូវធ្វើយ៉ាងណាកុំឲ្យជួបភាពខ្វះខាត និងផ្តល់ជីវិតដែលពោរពេញទៅដោយភាពសប្បាយរីករាយដល់កូនជាទីស្រឡាញ់។
រក្សាសុខភាពឲ្យល្អ
លុះត្រាតែអ្នកមានសុខភាពល្អ ទើបមេជីវិតឈ្មោលរបស់អ្នកមានសុខភាពល្អដែរ។ ដើម្បីឲ្យកាន់តែមានភាពជឿជាក់ អ្នកត្រូវទៅពិនិត្យសុខភាពឲ្យបានទៀតទាត់។
ឈប់ជក់បារី និងផឹកស្រា
ការជក់បារី និងផឹកស្រាជាទម្លាប់មិនល្អដែលធ្វើឲ្យសុខភាពខ្សោយទ្រុឌទ្រោម ហើយសូម្បីតែមេជីវិតឈ្មោះ ព្រមទាំង DNA របស់អ្នកក៏ជួបនឹងបញ្ហាដែរ។ ហេតុនេះប្រសិនបើអ្នកមានគម្រោងចង់បានកូន គួរតែកែប្រែទម្លាប់មិនល្អទាំងនេះចោលជាមុនសិន។
ផ្លាស់ប្តូរឥរិយាបទរបស់អ្នក
ក្នុងការចិញ្ចឹមកូនអ្នកត្រូវលះបង់ចំណុចអាក្រក់ចោល ដើម្បីជៀសវាងកុំឲ្យកូនក្លាយជាក្មេងមិនល្អ។ ជាពិសេសមិនត្រូវបញ្ចេញកំហឹងនៅមុខកូនឡើយ ផ្ទុយទៅវិញអ្នកត្រូវព្យាយាមបង្ហាញឥរិយាបទល្អៗឲ្យគេមើល។
ជាគំរូល្អ
អ្នកត្រូវធ្វើជាគំរូល្អដល់កូន ទាំងការនិយាយស្តី និងការអនុវត្ត។ នេះជាចំណុចមួយដ៏ល្អ ដែលធ្វើឲ្យកូនរបស់អ្នកយកគំរូតាម ហើយនៅពេលដែលគេធំឡើងនឹងក្លាយជាមនុស្សម្នាក់ដែលសង្គមត្រូវការ៕
មតិយោបល់