បរទេស៖ ការសិក្សាថ្មីមួយបានបង្ហាញថា ការញ៉ាំបន្លែ និងផ្លែឈើដែលមានជាប់ថ្នាំសំលាប់សត្វល្អិត អាចប៉ះពាល់ដល់គុណភាពមេជីវិតឈ្មោលរបស់បុរស។
នៅពេលដែលអ្នកស្រាវជ្រាវបានប្រៀបធៀបចំនួនមេជីវិតឈ្មោលរបស់ក្រុមបុរស ដែលញ៉ាំអាហារមានផ្ទុកថ្នាំសំលាប់សត្វល្អិត ជាមួយនឹងក្រុមបុរសដែលញ៉ាំអាហារដែលគ្មានផ្ទុកថ្នាំសំលាប់សត្វល្អិត ពួកគេបានរកឃើញថា ចំនួនមធ្យមនៃមេជីវិតឈ្មោលខុសគ្នាឆ្ងាយណាស់។
ភាគច្រើននៃបុរស តែងតែគិតទៅលើទំហំ និងសមត្ថភាពលើគ្រែជារឿងសំខាន់ ប៉ុន្តែពួកគេមិនបានគិតអំពីគុណភាពនៃការបន្តពូជឡើយ។
ការសិក្សាជាច្រើនទៀតបានអះអាងដែរថា គុណភាពមេជីវិតឈ្មោលរបស់បុរសសម័យនេះ ខ្សោយជាងមេជីវិតឈ្មោលរបស់បុរសជំនាន់មុន។ ដោយសារតែមានកត្តាផ្សេងៗជាច្រើនដូចជា ការបំផុតបរិស្ថាន, ការប្រើប្រាស់ទូរស័ព្ទដៃច្រើនហួសប្រមាណ និង ការប្រែប្រួលអ័រម៉ូន estrogen… អាចធ្វើឲ្យបុរសសម័យនេះខ្សោយមេជីវិតឈ្មោល។
ដូច្នេះ បុរសៗគួរតែយកចិត្តទុកដាក់ឲ្យបានច្រើនបន្តិចចំពោះការហូបចុក និងរស់នៅ ជាពិសេសក្នុងកំឡុងពេលបន្តពូជ៕
មតិយោបល់