ភ្នំពេញ: បើនិយាយពីម្ហូបនៅស្វាយរៀង ប្រិយមិត្តច្បាស់ណាស់នឹងនឹកឃើញ ដល់មុខម្ហូប ២មុខ ប្រចាំត្រកូលអ្នកខេត្តមួយនេះ គឺ កកូរកណ្តៀង និង សាច់ជ្រូករំលីងជ្រក់សណ្តែក ដែលកំពុងមានវត្តមាននៅក្នុងភោជនីយដ្ឋាន កៅដាយ ០០១ ។
សម្រាប់សម្លរ កកូរកណ្តៀង គឺជាអាហារមួយប្រភេទ ដែលផ្សំឡើងពី រុក្ខជាតិឈ្មោះកណ្តៀង ត្រីឆ្លាំង ឬត្រីអណ្តែង លាយជាមួយអង្ករលីង និងគ្រឿងសម្លរកកូរ ។

ដោយឡែកសម្រាប់ សាច់ជ្រូករំលីងជ្រក់សណ្តែក វិញ គឺ សាច់ជ្រូកចម្អិនដោយចុងភៅជំនាញ ដោយជ្រើសរើសយក សាច់ជ្រូកខ្មែរ មករំលីង ហើយ ជ្រក់សណ្តែកទៀតសោត គឺប្រើប្រាស់សណ្តែក ដែលបណ្តុះ តាមបែបធម្មជាតិ ។

លើសពីអាហារដ៏ឈ្ងុយឆ្ងាញ់ពីរមុខនេះ នៅមាន ២មុខទៀត គឺ ត្រីតុកកែចំហុយមីសួរ និង អន្ទង់អាំងប្រលាក់អំបិលម្ទេស ធានាថា ឆ្ងាញ់រហូតដល់លិឍដៃ ។

ប្រិយមិត្តអាចស្វែងរកអាហារទាំងនេះ បានភោជនីយដ្ឋាន កៅដាយ ០០១ ផ្លូវ៣៨៨ សងា្កត់ទួលសា្វយព្រៃII ខណ្ខ័ចម្ការមន ក្រុងភ្នំពេញ(ខាងក្រោយហ្ការាសសាំងតេលា ស្តុបកៅដាយ) ដោយទីកន្លែងប្រកបដោយផាសុខភាពខ្ពស់ ។

ភោជនីយដ្ឋាន កៅដាយ ០០១ ទើបតែបើកបាន ជិត១ខែ ដោយមានភាគហ៊ុនចំនួន ៤នាក់ ក្នុងនោះមាន លោក វុទ្ធ ភាព លោក ឈុន ឆាង លោក ឆឹង សែនកុសល លោក ឡេង សុធា (ហៅឡាំ) និង តារាចម្រៀង សាន ផានិត ។

សូមបញ្ជាក់ផងដែរថា សម្រាប់ប្រិយមិត្តដែលចូលទៅពិភាអាហារថ្ងៃត្រង់ និងអាហារល្ងាចនៅកៅដាយ ០០១ និងបញ្ចុះតម្លៃ ៣០ ភាគរយ រាល់មុខម្ហូប ដែលបានកុម៉្មង់ ហើយអាចទាក់ទងបានតាមរយ:ទូរស័ព្ទលេខ ០៧១ ៥៦៨ ២២២២ ៕