Post News Media ព័ត៌មានសុខភាព អ្វីដែលមនុស្ស...

អ្វីដែលមនុស្សស្រីមិនគួរធ្វើខណ:ងូតទឹក ប្រយ័ត្នកើតជំងឺមហារីកក្រពេញអូវែ!

បរទេស: ជំងឺដែលមានគ្រោះថ្នាក់បំផុត គឺមហារីកក្រពេញអូវែ ដែលត្រូវបានស្គាល់ថា ជាឃាតការលាក់មុខ ហើយធ្វើឲ្យមនុស្សស្រីមួយចំនួនមានការភ្ញាក់ផ្អើលយ៉ាងខ្លាំង នៅពេលរងនូវផលប៉ះពាល់ដោយមិនដឹងខ្លួន។

បើយោងតាមអ្នកវិទ្យាសាស្ត្រជាច្រើននៅ សហរដ្ឋអាមេរិក បានបង្ហាញថា ការលាងសម្អាតទ្វារមាសដែលស្ត្រីមួយចំនួនអនុវត្ត ពិតជាមានគ្រោះថ្នាក់ខ្លាំងណាស់ ប្រសិនបើពួកគេមិនដឹង ពីរបៀបលាងសម្អាតតាមរយ:ការបាញ់ទឹកអនាម័យ ឬវត្ថុរាវទេនោះ។

តាមរយ:ការស្ទង់មតិ មានស្ត្រីចំនួន ២៩% ក្នុងចំណោម ២៣២នាក់ បានសារភាពថា ពួកគេបានលាងសម្អាតទ្វារមាសទៀងទាត់ ហើយ ៥៧%ទៀតនិយាយាថា ពួកគេមិនដែលធ្វើបែបនេះឡើយ។ ប៉ុន្តែសម្រាប់អ្នកដែលអនុវត្ត អាចធ្វើឲ្យទ្វារមាសឡើងក្រហម, ប្រឈមនឹងជំងឺមហារីកមាត់ស្បូន, កាត់បន្ថយការមានកូន, ការឆ្លងមេរោគផ្សិត និងជំងឺរលាកអាងត្រគាក។

ស្ត្រីភាគច្រើនបានយល់ថា ការលាងសម្អាតអាចជួយឲ្យទ្វារមាសស្អាតល្អ ប៉ុន្តែការអនុវត្តបែបនេះបង្កឲ្យមានបញ្ហាសុខភាពធ្ងន់ធ្ងរ។ ជាពិសេសស្ត្រីជាច្រើនមិនសូវខ្វល់ខ្វាយពីរោគសញ្ញាដែលកើតមានឡើងនោះឡើយ លុះត្រាតែជំងឺឈានដល់ដំណាក់កាលចុងក្រោយទើបទៅរកគ្រូពេទ្យ។

ទោះជាយ៉ាងណា ការសិក្សានេះអ្នកជំនាញបានស្រាវជ្រាវចំពោះតែអ្នកដែលគ្មានប្រវត្តិគ្រួសារកើតជំងឺមហារីកតែប៉ុណ្ណោះ៕

showering-cancer