Post News Media ព័ត៌មានសុខភាព ប្រការសំខាន់ៗ...

ប្រការសំខាន់ៗដែលស្ត្រីមានផ្ទៃពោះគួរយកចិត្តទុកដាក់ នៅពេលងូតទឹក

បរទេស: ក្នុងអំឡុងពេលមានផ្ទៃពោះ អ្នកត្រូវយកចិត្តទុកដាក់ឲ្យបានខ្លាំងបំផុត មិនថាការធ្វើសកម្មភាពផ្សេងៗ ឬការទទួលទាននោះទេ។ ជាពិសេសការងូតទឹក ព្រោះវាអាចប៉ះពាល់ដល់សុវត្ថិភាពរបស់ទារកនៅក្នុងផ្ទៃ។

ការងូតទឹកមិនបានត្រឹមត្រូវ អាចបណ្តោលឲ្យសរសៃឈាមរីកធំ, កាត់បន្ថយចរាចរណ៍ឈាម, ឆ្លងមេរោគច្រើន, លំហូរឈាមទៅកាន់ទារកតិច…ជាដើម។ នៅពេលបញ្ហាជាច្រើនទៀត ទាក់ទងទៅនឹងការងូទឹក ដូច្នេះអ្នកគួរតែរៀនពីរបៀបងូតទឹកឲ្យបានត្រឹមត្រូវ។

ចៀសវាងងូតទឹកក្តៅយូរពេក
ការត្រាំក្នុងទឹកក្តៅរយ:ពេលច្រើនជាង ១០នាទី អាចមានគ្រោះថ្នាក់សម្រាប់ទារក។ ព្រោះលំហូរឈាមទៅកាន់ទារកអាចមានការថយចុះ ដែលនាំឲ្យគំរាមកំហែងដល់ជីវិត។ ម្យ៉ាងវិញទៀត ទង្វើមួយនេះអាចឆ្លងមេរោគនៅក្នុងទ្វារមាសបាន។ ទោះជាយ៉ាងណា ដើម្បីសុវត្ថិភាពអ្នកម្តាយកុំងូតទឹកយូរពេក។

ជ្រើសពេលងូតទឹកឲ្យបានត្រឹមត្រូវ
ការងូតទឹកនៅពេលព្រឹកព្រលឹម ឬយប់ជ្រៅពេកអាចបង្កឲ្យមានគ្រោះថ្នាក់ដល់សុខភាពរបស់អ្នក និងកូន។ ពេលនេះសីតុណ្ហភាពក្នុងខ្លួនអាចមានការផ្លាស់ប្តូរយ៉ាងខ្លាំង ឬមានការឆ្លងមេរោគច្រើន។ ដូច្នេះ ពេលវេលាដែលអ្នកគួរងូតទឹក ហើយរាងកាយបានត្រៀមខ្លួនរួចជាស្រេច គឺពេលថ្ងៃ។

កុំងូតទឹកបន្ទាប់ពីទទួលទានអាហារ
ការងូតទឹកបន្ទាប់ពីទទួលទានអាហារ ធ្វើឲ្យសរសៃឈាមរីកធំឡើង ដូច្នេះចរាចរណ៍ឈាមនឹងត្រូវចុះខ្សោយ។ ទីបំផុតឈាមដែលត្រូវបញ្ចូនទៅផ្នែកខាងក្រោមនៃរាងកាយនឹងមានការផ្លាស់ប្តូរ ហើយឈាមដែលហូរទៅកាន់ទារកក៏កាន់តែតិចដែរ។ ចំណែកឯការរំលាយអាហារត្រូវថយចុះ ហើយជាតិស្ករក្នុងឈាមមានកម្រិតទាបមួយរំពេច។

យកចិត្តទុកដាក់ចំពោះសីតុណ្ហភាពទឹក
សីតុណ្ហភាពទឹកមិនត្រូវលើសពី ៣៦អង្សាសេឡើយ។ សូមសាកល្បងកម្តៅទឹកជាមួយនឹងដៃ ឬជើងរបស់អ្នកជាមុនសិន មុននឹងងូត។

កុំផឹកទឹកខណ:ដែលងូតទឹក
ដើម្បីជៀសវាងហានិភ័យខ្សោះជាតិទឹក កុំទទួលទានទឹកឲ្យសោះពេលងូតទឹក។ ប្រសិនបើអ្នកស្រេកខ្លាំង សូមទទួលទានតិចៗបានហើយ។

bathing-during-pregnancy