បរទេស: ទម្លាប់នៃការពាក់អាវទ្រនាប់តឹងណែនពេញ ២៤ម៉ោង អាចធ្វើឲ្យប៉ះពាល់ដល់ការដកដង្ហើម, គេងមិនបានលក់ស្រួល, ខូចទ្រង់ទ្រាយនៃសុដន់ ហើយមានអារម្មណ៍ថាគ្មានផាសុខភាព។ ផ្ទុយទៅវិញ ប្រសិនបើអ្នកជ្រើសរើសអាវទ្រនាប់ដែលត្រូវទំហំ ហើយឈប់ប្រើនៅពេលយប់ទៀតនោះ អ្នកនឹងទទួលបានអត្ថប្រយោជន៍ស្មានមិនដល់។

ប្រសើរឡើងនូវចលនាឈាមរត់
ការពាក់អាវទ្រនាប់រឹបតឹងអាចបង្អាក់ដល់លំហូរឈាម ប៉ុន្តែប្រសិនបើអ្នកទម្លាប់មិនពាក់អាចទ្រនាប់វិញនោះ ឈាមនឹងរត់បានស្រួល ហើយធ្វើឲ្យស្បែកដើមទ្រូងមានសុខភាពល្អ។

គេងលក់ស្រួល
ការសិក្សាជាច្រើនបានបង្ហាញថា អាវទ្រនាប់អាចបង្កឲ្យមានភាពមិនស្រួលដល់ដើមទ្រូង និងប៉ះពាល់ដល់ការគេង។ តែបើអ្នកទម្លាប់ឈប់ពាក់អាវទ្រនាប់នៅពេលយប់ ការគេងនឹងលែងចោតជាបញ្ហាទៀតហើយ។

សុដន់ធំជាងមុន
ស្ត្រីដែលមានទម្លាប់មិនពាក់អាវទ្រនាប់ទៀងទាត់ អាចមានទំហំសុដន់ធំជាងស្ត្រីដែលពាក់អាវទ្រនាប់ ០.៧សង់ទីម៉ែត្រ។ នៅពេលដែលមិនពាក់អាវទ្រនាប់ សាច់ដុំដើមទ្រូងអាចរួចផុតពីសម្ពាធ ហើយការលូតលាស់នៃទំហំសុដន់ក៏បានល្អជាងមុនដែរ។

អារម្មណ៍មានផាសុខភាព
ការពាក់អាវទ្រនាប់រឹបតឹងពេក អាចបណ្តោលឲ្យរមាស់ និងមានអារម្មណ៍មិនស្រួល។ ប៉ុន្តែបើអ្នកខានពាក់អាវទ្រនាប់ចាប់ពីរថ្ងៃ អ្នកនឹងមានអារម្មណ៍ទទួលបានផាសុខភាពឡើងវិញ។

ជួយឲ្យជាលិកាសុដន់មានសុខភាពល្អ
អ្នកវិទ្យាសាស្ត្របានរកឃើញថា ការមិនពាក់អាវទ្រនាប់អាចជួយដល់ការអភិវឌ្ឍជាលិកាសុដន់ឲ្យមានសុខភាពល្អ។ លើសពីនេះ វាអាចជួយដល់ការអភិវឌ្ឍសាច់ដើមទ្រូងធម្មជាតិ និងជួយឲ្យសុដន់មូលខ្លំ។

ប្រសើរឡើងនូវមុខងារផ្លូវដង្ហើម
ការពាក់អាវទ្រនាប់រាលយប់ អាចបង្កឲ្យការដកដង្ហើមយឺត។ នេះមិនមានន័យថា ប៉ះពាល់ដល់ប្រព័ន្ធដង្ហើមនោះទេ ប៉ុន្តែវានឹងដាក់កម្រិតនៃការដកដង្ហើម ហើយកាត់បន្ថយលំហូរនៃអុកស៊ីសែន៕