បរទេស: ថ្លើមមានមុខងារសំខាន់បំផុតក្នុងការសម្អាតកាកសំណល់ពុលផ្សេងៗដែលបន្សល់ពីចំណីអាហារ។ ប៉ុន្តែប្រសិនបើអ្នកមិនចេះថែរក្សាឲ្យត្រឹមត្រូវ វាច្បាស់ជាមានបញ្ហាជាពុំខាន ជាពិសេសទម្លាប់នៃការទទួលទានអាហារមិនល្អរាល់ថ្ងៃ នឹងនាំឲ្យខូចមុខងារថ្លើម។

ដូច្នេះហើយ ដើម្បីបង្ការ និងការពារសុខភាពថ្លើម អ្នកគួរតែជៀសឲ្យឆ្ងាញពីអាហារទាំង ៤ប្រភេទនេះ។

១. គ្រឿងស្រវឹង
គ្រឿងស្រវឹងគឺភេសជ្ជ:លេខមួយដែលធ្វើឲ្យថ្លើមឆាប់ខូចខ្លាំងបំផុត។ ជាពិសេសសម្រាប់អ្នកដែលមានបញ្ហាថ្លើមស្រាប់ នៅពេលដែលទទួលទានគ្រឿងស្រវឹងចូលទៅជំងឺកាន់តែធ្ងន់ធ្ងរ។

២. អាហារកែច្នៃ
ការប្រើប្រាស់អាហារដែលងាយស្រួលក្នុងការចម្អិនដូចជា មី, សាច់ក្រក, អាហារដែលបន្ថែមពណ៌… ធ្វើឲ្យប្រព័ន្ធរំលាយអាហារពិបាករំលាយ និងដាក់បន្ទុកទៅលើមុខងារបន្សាបជាតិពុលរបស់ថ្លើមកាន់តែខ្លាំង។

៣. អាហារដុះផ្សិត
ប្រភេទអាហារដូចជា សណ្តែកដី, សណ្តែកសៀង, ផលិតផលធ្វើពីពោត… ដែលមានដុះផ្សិត គឺងាយនឹងធ្វើឲ្យជាលិកាថ្លើមចុះខ្សោយ និងមានជំងឺមហារីក។

៤. គ្រាប់ផ្កាឈូករ័ត្ន
គ្រាប់ផ្កាឈូករ័ត្នមានផ្ទុកបរិមាណអាស៊ីតខ្លាញ់មិនឆ្អែត ដូច្នេះប្រសិនបើអ្នកទទួលទានបរិមាណច្រើនហួសហេតុពេក វានឹងមានផលប៉ះពាល់អវិជ្ជមានដល់មុខងារនៃកោសិការបស់ថ្លើម។

ទាំងអស់នេះហើយជាមូលហេតុ ដែលអ្នកអ្នកគួរតែជៀសវាងអាហារទាំងអស់នេះ ដើម្បីបង្ការ និងជួយឲ្យថ្លើមមានសុខភាពល្អ៕