បរទេសៈ ដើម្បីទទួលបានសុខភាពល្អ រឿងដ៏សំខាន់ដែលអ្នកត្រូវធ្វើមុនគេ គឺគេងឲ្យបានគ្រប់គ្រាន់ (យ៉ាងហាចណាស់ ៨ម៉ោង ក្នុងមួយថ្ងៃ)។

មានបុរសម្នាក់ចង់ដកស្រង់បទពិសោធន៍ការគេងតិច ដោយក្នុងមួយយប់ត្រឹមងតែ ៤ ទៅ ៥ម៉ោង និងក្នុងពេលថ្ងៃ ២០នាទី។

រយៈពេលពីរថ្ងៃដំបូងគាត់លំបាក់ខ្លាំងណាស់ ព្រោះខ្វះថាមពលអនុវត្តការងារប្រចាំថ្ងៃ។ កង្វះថាមពលនេះបានធ្វើឲ្យគាត់មានប្រតិកម្មយឺត, បាត់បង់ការចង់ចាំ, កង្វះភាពច្នៃប្រឌិត និងឆាប់ខឹង។

នៅក្នុងរយៈពេលត្រឹមតែបួនថ្ងៃប៉ុណ្ណោះ ខួរក្បាលរបស់គាត់បានអសកម្ម ហើយគាត់ធ្វើអ្វីមិនកើតនោះទេ។ នេះជាបទពិសោធន៍ដ៏អាក្រក់បំផុតដែលគាត់ធ្លាប់ជួបប្រទះនៅក្នុងជីវិត។

ហេតុនេះហើយអ្នកត្រូវចង់ចាំថា ការគេងពិតជាមានសារៈសំខាន់ខ្លាំងណាស់សម្រាប់សុខភាពទាំងផ្លូវកាយ និងផ្លូវចិត្ត។ ជាពិសេសត្រូវគេងឲ្យបានគ្រប់គ្រាន់ ពោលគឺ ៨ម៉ោង ក្នុងមួយថ្ងៃ។

សូមទស្សនាវីដេអូពន្យល់ពីបញ្ហាដែលបណ្តោលមកពីការគេងនៅខាងក្រោម៖