បរទេស: រោមចិញ្ចីមក៏ជាភាពទាក់ទាញមួយសម្រាប់មនុស្សស្រីផងដែរ ប៉ុន្តែនារីភាគច្រើនតែងតែមានរោមចិញ្ចីមស្តើងៗ ឬអាចជ្រុះបណ្តើរៗនៅពេលដែលវ័យកាន់តែច្រើន។

តើមានវិធីអ្វីអាចបណ្តុះរោមចិញ្ចីមឲ្យក្រាស់ឡើងវិញបាន? វិធីមិនអត់នោះទេ ប្រសិនបើអ្នកចង់ឲ្យរោមចិញ្ចីមដុះក្រាស់ ហើយមានសុខភាពល្អគួរតែប្រើប្រាស់ឱសថធម្មជាតិពីរមុខនេះ។

ប្រទាលកន្ទុយក្រពើ
លាងសម្អាតរោមចិញ្ចីមរបស់អ្នកជាមួយទឹកក្តៅឧណ្ឌៗ បន្ទាប់មកបកយកសាច់ប្រទាលកន្ទុយក្រពើមកជូតនៅលើរោមចិញ្ចីម។ ទុកឲ្យបានកន្លះម៉ោង ទើបលាងជម្រះចេញវិញ។ ព្យាយាមអនុវត្តរាល់ថ្ងៃ អ្នកនឹងឃើញលទ្ធផលឆាប់ៗ។

ប្រេងល្ហុងខ្ញែរ
លាងសម្អាតរោមចិញ្ចីម បន្ទាប់មកចាក់ប្រេងទៅលើសំឡីជូតបណ្តោយថ្នមៗចំនួន ៣នាទី។ ក្រោយពេលទុកចោលមួយយប់ ត្រូវលាងជម្រះចេញ។ សូមព្យាយាមអនុវត្តឲ្យបានរាល់ថ្ងៃ ប្រសិនបើចង់ទទួលបានផលឆាប់៕