បរទេស: ការរួមភេទ គឺជាចំណែកមួយដែលមិនអាចខ្វះបាននៅក្នុងជីវិតរបស់គូស្នេហ៍ ព្រោះវាអាចជួយឲ្យគូស្នេហ៍មានភាពស្និតស្នាលកាន់តែខ្លាំងឡើង ទាំងផ្លូវកាយ និងផ្លូវចិត្ត។ តែទោះជាយ៉ាងណា មានរឿងមួយចំនួនដែលមនុស្សស្រីមិនគួរធ្វើបន្ទាប់ពីរួមភេទនោះទេ បើពុំដូច្នោះវាអាចប៉ះពាល់ធ្ងន់ធ្ងរដល់សុខភាពផ្លូវភេទ។

តើរឿងអ្វីខ្លះទៅដែលមនុស្សស្រីមិនគួរធ្វើ៖

១. កុំលាងជាមួយសាប៊ូ
ក្រោយពេលរួមភេទហើយ ខ្លួនប្រាណតែងតែបែកញើសស្អិតខ្លួន និងប្រលាក់ប្រឡូសពេញតំបន់ឯកជន។ មូលហេតុនេះហើយ ដែលធ្វើមនុស្សមួយចំនួនមានអារម្មណ៍នៅមិនសុខ ហើយលាងសម្អាតចេញដោយប្រើសាប៊ូ។

ទោះជាយ៉ាងណាអ្នកគួរលាងសម្អាតដោយប្រើទឹកធម្មតាបានហើយ ប៉ុន្តែមិនត្រូវប្រើសាប៊ូឡើយ។ ព្រោះក្នុងពេលរួមភេទតំបន់ឯកជនមនុស្សស្រីទទួលរងនូវការត្រដុសមានសភាពក្រហម ហើយប្រសិនបើអ្នកលាងសម្អាតដោយប្រើសាប៊ូទៀតនោះ អាចនឹងមានបញ្ហាអាឡែស៊ី។

២. មិនត្រូវទប់នោមឡើយ
ហេតុអ្វីអ្នកត្រូវនោមភ្លាមៗ បន្ទាប់ពីរួមភេទ? ការធ្វើបែបនេះអាចជួយបណ្តេញបាក់តេរីចេញពីតំបន់ឯកជន និងការពារមិនឲ្យឆ្លងមេរោគក្នុងប្លោកនោម។ ដូច្នេះ អ្នកត្រូវនោមឲ្យបានមុនរយ:ពេល ១ម៉ោង បន្ទាប់ពីរួមភេទរួច។

៣. ហាមងូតទឹកក្តៅ
មនុស្សស្រីមួយចំនួនចូលចិត្តងូតទឹកក្តៅបន្ទាប់ពីរួមភេទហើយ ព្រោះវាអាចជួយឲ្យពួកគេមានអារម្មណ៍ស្រស់ស្រាយជាងមុន។ តែអ្នកត្រូវដឹងថា ការងូតទឹកក្តៅអាចបណ្តាលឲ្យមានគ្រោះថា្នក់ខ្លាំងណាស់ដល់តំបន់ឯកជន។

បើយោងតាមអ្នកជំនាញរោគស្ត្រីបានបង្ហាញថា ការងូតទឹកក្តៅបន្ទាប់ពីរួមភេទហើយភ្លាម អាចបង្កឲ្យតំបន់ឯកជនហើម ងាយនឹងឆ្លងមេរោគបំផុត។ ជាពិសេសប្រសិនបើអ្នកអង្គុយត្រាំក្នុងទឹកក្តៅទៀត បាក់តេរីនៅលើស្បែកនឹងរន្ធគូថ អាចឆ្លងចូលទៅក្នុងតំបន់ឯកជនកាន់តែច្រើន៕