ស៊ីរីៈ អង្គការសហប្រជាជាតិ (UN) បានឲ្យដឹងថា ជនស៊ីវិលរហូតដល់ទៅ ១៦,០០០ នាក់ បានរត់ភៀសខ្លួនចេញពីភាគខាងកើតទីក្រុងអាឡេប៉ូ ជាផ្នែកមួយត្រូវបានកាន់កាប់ ដោយពួកសកម្មប្រយុទ្ធរដ្ឋអ៊ីស្លាម ខណៈដែរឥទ្បូវនេះ កងទ័ពស៊ីរីកំពុងវាយលុកឆ្ពោះចូលទៅតំបន់នោះ។ នេះបើយោងតាមរយៈ សារព័ត៌មានស៊ីរី ចេញផ្សាយនៅថ្ងៃទី៣០ ខែវិច្ឆិកា ឆ្នាំ២០១៦។

លោក Stephen O’Brien ប្រធានសិទ្ធិមនុស្សរបស់អង្គការសហប្រជាជាតិ បាននិយាយក្នុងសេចក្តីថ្លែងការណ៍ នៅទីក្រុងហ្សឺណែវ ប្រទេសស្វ៊ីសកាលពីថ្ងៃអង្គារថា «នឹងមានមនុស្សរាប់ពាន់នាក់ អាចនឹងរត់ភៀសខ្លួនចេញកាន់តែច្រើន ប្រសិនបើការវាយប្រយុទ្ធគ្នា នៅតែបន្តរីករាលដាលដល់ថ្ងៃខាងមុខទៀត»៕