ហ្វីលីពីន: ប្រធានាធិបតីហ្វីលីពីន លោក Rodrigo Duterte បានផ្អាកបទឈប់​បាញ់​ជា​ឯកតោភាគី​ជាមួយក្រុមឧទ្ទាមកុម្មុយនីស្ត បន្ទាប់ពីឱសានវាទរបស់លោកបាន​ផុត​កំណត់​កាលសម្រាប់ការឆ្លើយតបរបស់ក្រុមនេះ។ នេះបើយោងតាមការចេញផ្សាយដោយសារព័ត៌មាន Channel News Asia នៅថ្ងៃទី៣១ កក្កដា ឆ្នាំ២០១៦នេះ។

ការប្រកាសបទឈប់បាញ់របស់លោក Duterte ដើម្បីជួយបញ្ចប់នៃការបះបោរវែង ដែលមានរយ:ពេល ជាង​គេនៅតំបន់អាស៊ី ដែលបានអះអាងថា មានមនុស្សរាប់ម៉ឺននាក់បានស្លាប់បាត់បង់ជីវិត ចាប់តាំងពី​ទស​វត្ស​ឆ្នាំ១៩៦០។

ប៉ុន្តែបទឈប់បាញ់គ្នានេះគឺមានរយ:ពេលខ្លី បន្ទាប់ពីក្រុមឧទ្ទាមកុម្មុយនិស្តនៅ ក្នុងខេត្ត Davao del Norte បានសម្លាប់សមាជិកកងជីវពលនិងនិងរងរបួសបួនជាច្រើននាក់ផ្សេងទៀត របស់រដ្ឋាភិបាល កាលពីថ្ងៃពុធកន្លងទៅ។

កាលពីថ្ងៃសុក្រ លោក Duterte បានដាក់ឱសានវាទមួយដល់ក្រុមកុម្មុយនីស្ត ដើម្បីពន្យល់ពីហេតុការណ៍​នេះ និងឆ្លើយតបបទឈប់បាញ់គ្នារបស់រដ្ឋាភិបាល នៅរសៀលថ្ងៃសៅរ៍ម្សិលមិញ ប៉ុន្តែពេលកំណត់កន្លង​ផុតទៅ ដោយគ្មានសេចក្តីប្រកាសបទឈប់បាញ់ពីក្រុមឧទ្ទាមទាំងនោះទេ។

លោកប្រធានាធិបតីបានសង្កត់ធ្ងន់ថា «ខ្ញុំសូមបញ្ជាឱ្យការលើកលែងបទឈប់បាញ់គ្នា​ជាបន្ទាន់​។ ខ្ញុំបាន​បញ្ជាឱ្យកងកម្លាំងសន្តិសុខទាំងអស់ ឱ្យមានការប្រុងប្រយ័ត្នខ្ពស់ និងបន្តដើម្បីបំពេញមុខងារ​ធម្មតា​​របស់ពួកគេ ដើម្បីបន្សាបទៅនឹងការគំរាមកំហែងទាំងអស់ដល់សន្តិសុខជាតិ»។

សូមបញ្ជាក់ថា បើយោងតាមយោធាបានឲ្យដឹងថា កងទ័ពប្រជាជនថ្មីត្រូវបានគេជឿថា នឹងមានខ្មាន់កាំភ្លើង​តិចជាងចំនួន ៤.០០០ នាក់ ពោលគឺបានធ្លាក់ចុះចំនួនខ្ពស់បំផុតពី ២៦.០០០នាក់ ក្នុងឆ្នាំ១៩៨០៕