អាមេរិកៈ ប្រធានាធិបតីជាប់ឆ្នោតលោក Donald Trump បានថ្លែងទៅកាន់ចិន នៅក្នុងបទសម្ភាសន៍ជាមួយ សារព័ត៌មាន Fox News កាលពីថ្ងៃអាទិត្យថា អាមេរិកអាចបន្តគោរពតាមគោលនយោបាយចិនតែមួយ របស់ខ្លួន លុះត្រាតែរដ្ឋាភិបាលក្រុងប៉េកាំង យល់ព្រមកិច្ចព្រមព្រៀងលើពាណិជ្ជកម្ម និងលក្ខខណ្ឌផ្សេងទៀត។ នេះបើយោងតាមរយៈ សារព័ត៌មាន Channel News Asia ចេញផ្សាយនៅថ្ងៃទី ១២ ខែធ្នូ ឆ្នាំ២០១៦។

លោក Trump បាននិយាយថា « ខ្ញុំមិនចង់ឲ្យចិនបញ្ជាមកលើខ្ញុំនោះទេ» ដែលនេះជាលើកទ្បើងរបស់លោក បន្ទាប់ពីគាត់បានធ្វើការសន្ទនាតាមទូរស័ព្ទកាលពីពេលថ្មីៗនេះ ជាមួយនឹងប្រធានាធិបតីកោះតៃវ៉ាន់។

លោកបានបន្ថែមថា «ខ្ញុំមិនដឹងថា ហេតុអ្វីបានជាយើងត្រូវតែ គោរពតាមគោលនយោបាយចិនតែមួយទេ ប៉ុន្តែយើងនឹងនៅតែបន្ត លុះត្រាតែចិនយល់ព្រមកិច្ចព្រមព្រៀងជាមួយយើង ក្នុងការធ្វើអ្វីផ្សេងទៀត ដោយរួមទាំងការធ្វើពាណិជ្ជកម្មផងដែរ»៕