ភ្នំពេញ: យោងតាមបណ្តាញសង្គមហ្វេសបុករបស់លោក ប៉ា សុជាតិវង្ស អភិបាលរាជធានីភ្នំពេញ ដែលមានឈ្មោះថា Pa Socheatavong បានចេញផ្សាយ ថា

“កន្លែងកាន់តែស្មុគស្មាញ ជាកន្លែងដែលត្រូវតែអភិវឌ្ឍន៍!!!
នៅព្រឹកថ្ងៃទី០៤ ខែឧសភា ឆ្នាំ២០១៦នេះ រដ្ឋបាលរាជធានីភ្នំពេញយើង បានរៀបចំកិច្ចប្រជុំពិភាក្សាការងារសំខាន់ ២ចំណុច៖

១-ផ្លូវទំនប់កប់ស្រូវ នៅសល់ប្រវែង ១២,៧គីឡូម៉ែត្រទៀត នឹងត្រូវបែងចែកឱ្យបីក្រុមហ៊ុនទទួលខុសត្រូវ។ ជំហានទី១ ត្រូវស្ថាបនាមួយចំហៀងប្រវែង ៧ម៉ែត្រ កម្រាស់ ២តឹក ប្រើរយ: ៤ខែ ត្រូវតែរួចរាល់ជំហានទីមួយនេះ។

២-ការស្ថាបនាផ្លូវអមសង្ខាងផ្លូវដែកពីផ្លូវជាតិលេខ៥ រហូតដល់ផ្លូវR6 (បឹងកក់) មានប្រវែង ៥,៦២គីឡូម៉ែត្រ ដែលត្រូវស្ថាបនា ៧ម៉ែត្រសង្ខាងផ្លូវរថភ្លើង។ បច្ចុប្បន្ន ក្រុមការងារត្រូវសិក្សាបន្ថែមនូវផលប៉ះពាល់ និងលក្ខណ:បច្ចេកទេសឱ្យបានច្បាស់លាស់ ហើយក្រុមការងារនឹងចុះទៅពិនិត្យផ្ទាល់នៅសប្តាហ៍ក្រោយ។”