អាល់ហ្សេរីៈ តំណាងពិសេសនៃអគ្គលេខាធិការអង្គការសហប្រជាជាតិ (UN) សម្រាប់កុមារ និងជម្លោះប្រដាប់អាវុធ លោកស្រី Leila Zerrougui កាលពីថ្ងៃអាទិត្យ បានឲ្យដឹងថា កុមារជាង ២២០ លាននាក់ កំពុងរស់នៅក្នុងតំបន់មានជម្លោះ ស្ថិតនៅជុំវិញពិភពលោក។ នេះបើយោងតាមរយៈ សារព័ត៌មានចិនស៊ិនហួ ចេញផ្សាយនៅថ្ងៃទី១៩ ខែធ្នូ ឆ្នាំ២០១៦។

ទីភ្នាក់ងាររបស់ APS បានដកស្រង់សម្ដីលោកស្រី Zerougui នៅក្រៅសិក្ខាសាលាជាន់ខ្ពស់លើកទី ៤ ស្តីពីសន្តិភាព និងសុវត្ថិភាពក្នុងទ្វីបអាហ្រ្វិក ដែលបានប្រារព្ធឡើង នៅទីក្រុង Oran ចម្ងាយ ៤២០ គីទ្បូម៉ែត្រ ពីភាគខាងលិច ប្រទេសអាល់ហ្សេរី បានឲ្យដឹថា កុមារជាង ២២០លាននាក់ កំពុងរស់នៅ ក្នុងបណ្ដាប្រទេសទាំង ២០ ដែលបានទទួលរងការវាយប្រហារ ដោយបញ្ហាជម្លោះប្រដាប់អាវុធ នៅជុំវិញពិភពលោក ក្នុងនោះរួមមានទាំងបណ្តាប្រទេសនៅអារ៉ាប់ចំនួន ៨ និង ៨ ទៀតនៅអាហ្វ្រិក។

អង្គការសហប្រជាជាតិ បាននិយាយជាផ្លូវថា ជនភ្លៀសខ្លួនសរុបចំនួន ៦៥ លាននាក់ហើយ បានចាកចេញពីតំបន់មានជម្លោះ រួមទាំងកុមារ ២៨ លាននាក់ ដែលនេះជាព្រឹត្តិការណ៍សោកនាដកម្មដ៏ធំមួយ នឹងបណ្ដាលឲ្យប៉ះពាល់ដល់អ្នកជំនាន់ក្រោយ៕