បាត់ដំបងៈ នៅមុននេះបន្តិច មានករណីប្លន់បានកើតឡើងទាំងយប់ បង្កឲ្យភ្ញាក់ផ្អើលដល់ប្រជាពលរដ្ឋ នាវេលាម៉ោង៧:២០នាទី ថ្ងៃទី០៧ឧសភា២០១៦ ត្រង់ចំនុចភូមិកា ឡោមភ្លុក ឃុំព្រៃស្វាយ ស្រុកមោងឫស្សី ខេត្តបាត់ដំបង។

មន្រ្តីសមត្ថកិច្ចបានឲ្យដឹងថា មានជនសង្ស័យចំនួន០៥នាក់ប្រដាប់ដោយកាំភ្លើងវែង ០១ដើម កាំភ្លើងខ្លី០១ដើម និងដែកស្បែង០១ ពាក់ម៉ាស់០៤នាក់ កំពស់ប្រហែល១.៦៥ម៉ែត្រ អាយុប្រហែល៣០ឆ្នាំជាង បានធ្វើសកម្មភាពប្លន់ ។

សមត្ថកិច្ចបន្តទៀតថា ក្នងករណីខាងលើនេះ ជនរងគ្រោះបាត់បង់សម្ភារៈ រួម មាន ១-ខ្សែក 0២ខ្សែ ទម្ងន់0២ដំឡឹង០៥ជី ២-ខ្សែកមាស០១ខ្សែទម្ងន់០៤ជី ៣-ខ្សែដៃមាស០១ខ្សែទម្ងន់០៥ជី ៤-កងដៃប្លាកទីន០១ខ្សែ (ទិញពីររយដុល្លារ) ៥-លុយខ្មែរ៨ម៉ឺនរៀល ៦-ទូរស័ព្ទដៃ០៣គ្រឿង ម៉ាកសាមស៊ុង ៧-ហួវៃ០១គ្រឿង ៨-ចុចពិល០១គ្រឿង។

ករណីនេះ ក៏បណ្តាលឲ្យអ្នកមកលេងឈ្មោះសូត្រ សុខ ភេទស្រីអាយុ៣២ឆ្នាំ រស់នៅភូមិកាឡោមភ្លុក ឃុំព្រៃស្វាយ ស្រុកមោងឫស្សី ខេត្តបាត់ដំបង បាត់បង់សម្ភារៈជាមួយផងដែរ រួមមាន ១-ខ្សែកប្លាកទីន០១ខ្សែទម្ងន់០៥ជី២-កងដៃប្លាកទីន០១កងទម្ងន់០៥ជី ៣-លុយខ្មែរ៣០ម៉ឺនរៀល ។

សមត្ថកិច្ចបានបន្ថែមទៀតថា ភិនភាគជនសង្ស័យដែលកាន់កាំភ្លើងខ្លីរាងទាបក្បាលទំពែក កំពស់ប្រហែល១.៥៦ម៉ែត្រ, ជនសង្ស័យកាន់កាំភ្លើងAK បត់កំពស់ ប្រហែល១.៦០ម៉ែត្រ សក់ស្លូត អាយុប្រហែល៣០ឆ្នាំជាង ចំណែកជនសង្ស័យម្នាក់ទៀតកាន់ដែកស្បែងកំពស់ប្រហែល១.៥៦ម៉ែត្រ
អាយុប្រហែល៣០ឆ្នាំជាង ពីរនាក់ទៀតភិនភាគប្រហាក់ប្រហែលគ្នា ។ ក្រោយកើតហេតុ ជនសង្ស័យបន្សល់ទុកខ្សែលួស០២កង ០១កង២សរសៃ ៕