ស្រីលង្កាៈ ប្រភពពីរដ្ឋាភិបាល បាននិយាយថា មនុស្សចំនួន ១១ នាក់ស្លាប់ និងជាច្រើននាក់ទៀតរងបួស ខណៈដែល ១៦នាក់កំពុងបាត់ខ្លួន ក្នុងឧប្បត្តិហេតុរអិលដីបាក់ ដោយសារភ្លៀងធ្លាក់យ៉ាងខ្លាំង រយៈពេល ៣ថ្ងៃជាប់ៗគ្នា បានវាយប្រហារនៅភូមិមួយ ក្នុងស្រុក Bulathkohupitiya ប្រទេសស្រីលង្កា។ នេះបើយោងតាមរយៈ សារព័តមានចិនស៊ិនហួរ ចេញផ្សាយនៅថ្ងៃទី១៨ ខែឧសភា ឆ្នាំ២០១៦។

មន្ត្រីគ្រប់គ្រងគ្រោះមហន្តរាយ បានឲ្យដឹងថា មកទល់ពេលនេះ ផ្ទះចំនួន ១១៤ ខ្នងត្រូវបានបំផ្លាញ ស្របពេលដែលមនុស្សចំនួន ២០០.០០០ នាក់ កំពុងរងផលប៉ះពាល់ ដោយសារគ្រោះទឹកជំនន់ និង ១៣៧.០០០នាក់ទៀត ត្រូវបានជម្លៀសទៅកាន់ទីកន្លែងសុវត្ថិភាព៕