វៀតណាម: នៅវៀតណាមមានអ្នកចូលរួមបោះឆ្នោតទូទាំងប្រទេសជាង ៦៩,២៦៥លាននាក់ ដើម្បីបោះឆ្នោតជ្រើសរើសតំណាងសភារនិងជាសមាជិកនៃក្រុមប្រឹក្សាគ្រប់ថ្នាក់ទាំងអស់របស់ប្រជាជន។

ការបោះឆ្នោតដែលបានជ្រើសរើសតំណាងនៅរដ្ឋសភាជាតិលើកទី១៤ និងក្រុមប្រឹក្សាប្រជាជនគ្រប់ថ្នាក់ទាំងអស់សម្រាប់អាណត្តិ ២០១៦-២០២១ បានចាប់ផ្តើមនៅថ្ងៃអាទិត្យ ម៉ោង៧ព្រឹកនេះ នៅឯស្ថានីយ៍បោះឆ្នោត ៩១.៤៧៦កន្លែងនៅទូទាំងប្រទេស។ មានបេក្ខជនតំណាង ៥០០នាក់ នឹងត្រូវបានជាប់ឆ្នោតរដ្ឋសភាជាលើកទី១៤ របស់ប្រទេសវៀតណាម ក្នុងចំណោមបេក្ខជន ៨៧០នាក់។

ក្នុងចំណោមតួលេខនេះ មានបេក្ខជន ៣៣៩នាក់ ជាស្រ្តី មានចំនួនស្មើនឹង ៣៨,៩៧ភាគរយ ខណ:បេក្ខជន២០៤នាក់គឺមកពីជនជាតិភាគតិច ដែលធ្វើឱ្យកើនឡើង ២៣,៤៥ ភាគរយ នេះបើយោងតាមបញ្ជីឈ្មោះបេក្ខជន ដែលបានចេញផ្សាយដោយក្រុមប្រឹក្សាជាតិរៀបចម្ការបោះឆ្នោត (គជប) នៅចុងខែមេសា។

បេក្ខជនសរុប ៩៧នាក់ គឺមិនមែនជាសមាជិកបក្សកុម្មុយនីស្តវៀតណាម ហៅកាត់ថា (CPV) ដែលមានចំនួន ១១,១៥ភាគរយ ខណ:ដែលបេក្ខជន ១៦៨នាក់ បោះឆ្នោតតំណាងរដ្ឋសភាលើកទី១៣ ។

ទន្ទឹមនឹងនេះដែរ ក្រុមប្រឹក្សាប្រជាជននៅទូទាំងខេត្តប្រទេសវៀតណាម នឹងមានតំណាង ៣.៩១៨ ដែលមានបេក្ខជន ៦.៥២៨នាក់ ។ នៅថ្នាក់ស្រុកជាច្រើន ដូចជា មានតំណាង ២៤.៩៩៣ ក្នុងចំណោមបេក្ខជន ៤១.៧៧៧នាក់ នឹងត្រូវបានជាប់ឆ្នោតជាសមាជិកក្រុមប្រឹក្សា។ តួលេខរៀងសម្រាប់កម្រិតសហគមន៍គឺ មាន ២៩៤.០៥៥ និង ៤៩៧.៣១២។

ការបោះឆ្នោតនេះត្រូវបានគេគ្រោងរហូតដល់ម៉ោង ៧រសៀលថ្ងៃអាទិត្យ។លទ្ធផលនៃការបោះឆ្នោតរបស់តំណាងរដ្ឋសភាទី១៤នេះ នឹងត្រូវប្រកាសក្នុងរយ:ពេល២០ថ្ងៃ បន្ទាប់ពីការបោះឆ្នោតគណ:កម្មាធិការជាតិរៀបចម្ការបោះឆ្នោត បានឱ្យដឹងថា ក្នុងសេចក្តីប្រកាសមួយកាលពីថ្ងៃសុក្រកន្លងមក។

សម័យប្រជុំដំបូងនៃរដ្ឋសភាទី១៤ គ្រោងនឹងកោះប្រជុំនៅខែកក្កដា ឆ្នាំ២០១៦ ខាងមុខនេះ នៅពេលដែលគណ:កម្មាធិការអចិន្ត្រៃយ៍រដ្ឋសភានិងថ្នាក់ដឹកនាំរបស់រដ្ឋ នឹងត្រូវបានជាប់ឆ្នោតឡើងវិញ។

សូមជម្រាបថា កាលពីអំឡុងអាណត្តិលើកទី១៣ របស់រដ្ឋសភាវៀតណាម មេដឹកនាំកំពូលជំនួសតំណែងរបស់ប្រទេសនេះ។ នៅថ្ងៃទី៣១ ខែមីនា លោក Nguyen Thi Kim Ngan បានក្លាយជាប្រធានរដ្ឋសភាដំបូងរបស់ប្រទេសនេះ ខណ:ដែលលោក Tran Dai Quang បានជាប់ឆ្នោតជាប្រធានាធិបតីថ្មីនេះ នៅថ្ងៃទី២ ខែមេសា និងលោក Nguyen Xuan Phuc ត្រូវបានជ្រើសរើសជានាយករដ្ឋមន្រ្តីថ្មីរបស់ប្រទេសនេះ នៅថ្ងៃទី៧ ខែមេសា៕