ព័ត៌មានអន្តរជាតិ ព្រឹត្តិការណ៍ សំខាន់ៗ

ជនចំណាកស្រុកជាង ៤.១០០ នាក់ ត្រូវបានជួយសង្គ្រោះនៅប្រទេសលីប៊ី

អ៊ីតាលី: ក្រុមមន្ត្រី បាននិយាយថា យ៉ាងហោចណាស់ មនុស្សចំនួនជាង ៤.១០០ នាក់ ត្រូវបានជួយសង្គ្រោះ ចេញពីឆ្នេរសមុទ្រប្រទេសលីប៊ី។ នេះបើយោងតាមរយ: សារព័ត៌មានចិនស៊ិនហួរ ចេញផ្សាយនៅព្រឹកថ្ងៃទី២៧ ខែឧសភា ឆ្នាំ២០១៦។

ជាមួយនឹងប្រតិបត្ដិការម្ភៃពីរលើក បានធ្វើឡើងដើម្បីជួយសង្គ្រោះ ដល់ជនអន្តោប្រវេសន៍ និងជនភៀសរាប់សិបនាក់ ដែលបានបើកនាវា មកកាន់តំបន់ Sicily ស្ថិតនៅព្រំដែនរវាងអ៊ីតាលី និងប្រទេសលីប៊ី នេះបើតាមការឲ្យដឹងពីអ្នកនាំពាក្យឆ្មាំសមុទ្រ បានប្រាប់ស៊ីនហួ។

ប្រតិបត្ដិការនេះ ចូលរួមដោយនាវាកងទ័ពជើងទឹក និងនាវាល្បាតឆ្មាំសមុទ្រ របស់ប្រទេសអ៊ីតាលី រួមជាមួយនឹង កងកម្លាំងផ្សេងទៀត មកពីសហភាពអឺរ៉ុប (EU) បេសកកម្មជើងទឹក EUNAVFOR MED និងទីភ្នាក់ងារព្រំដែនសហភាពអឺរ៉ុប Frontex ផងដែរ៕
Migrant-Crisis-3-e1430302260498

មតិយោបល់