Post News Media ព័ត៌មានអន្តរជាតិ រដ្ឋាភិបាលមីយ...

រដ្ឋាភិបាលមីយ៉ាន់ម៉ាអញ្ជើញក្រុមប្រដាប់អាវុធបើកកិច្ចចរចានយោបាយនៅសប្តាហ៍ក្រោយ

មីយ៉ាន់ម៉ា: រដ្ឋាភិបាលថ្មីរបស់ប្រទេសមីយ៉ាន់ម៉ា បានអញ្ជើញក្រុមប្រដាប់អាវុធជនជាតិភាគតិចទាំងអស់ រួមគ្នាចុះហត្ថលេខាកុំឲ្យមានបទឈប់បាញ់បន្តទៅទៀត ដើម្បីចូលរួមក្នុងកិច្ចប្រជុំក្របខ័ណ្ឌចរចានយោបាយដែលនឹងគ្រោងនៅសប្តាហ៍ក្រោយនេះ។

លោកបណ្ឌិត Tin Myo Win ជាអ្នកចរចាសន្តិភាពរបស់រដ្ឋាភិបាលនិងជាប្រធានគណ:កម្មាធិការសន្និសីទទស្សវត្សប៉ាងឡុងលើកទី២១ បានអញ្ជើញមេដឹកនាំក្រុមមិនមែនជាហត្ថលេខី ក្នុងអំឡុងពេលកិច្ចប្រជុំលើកដំបូងកាលពីថ្ងៃសុក្រកន្លងទៅជាមួយសហព័ន្ធក្រុមប្រឹក្សាអង្គការសហប្រជាជាតិ (UNFC ) និងគណ:ប្រតិភូសម្រាប់ការចរចានយោបាយ (DPN) ក្នុងខេត្តឈៀងម៉ៃប្រទេសថៃ។

លោកបានសន្យាថានឹងកសាងការជឿទុកចិត្តនិងការយល់ដឹងគ្នាទៅវិញទៅមក សម្រាប់ប្រយោជន៍សន្តិភាពនិងដើម្បីកសាងសន្តិភាពសម្បូរបែប និង សហជីពសហព័ន្ធប្រជាធិបតេយ្យ។ កិច្ចប្រជុំខេត្តឈៀងម៉ៃ បានប្រារព្ធឡើងជាមួយក្រុមប្រដាប់អាវុធជនជាតិដើមភាគតិច ដែលមិនបានចុះហត្ថលេខាលើ NCA ក៏បានទៅចូលរួមនៅក្នុងសន្និសីទប៉ាងឡុងលើកទី២១ ផងដែរ។ នៅក្នុងកិច្ចប្រជុំនេះ ក្រុមមិនមែនជាហត្ថលេខី NCA បានពិភាក្សារឿងដែលទាក់ទងនឹងចូលរួមក្នុងសន្និសិទសន្តិភាពនិងលក្ខខណ្ឌនេះ ដែលនឹងអនុញ្ញាតឱ្យពួកគេចូលរួម។

ការិយាល័យប្រធានាធិបតីរបស់ប្រទេសមីយ៉ាន់ម៉ា បានបង្កើតគណ:កម្មាធិការរៀបចំសមាជិក ១៦រូប កាលពីថ្ងៃអង្គារសម្រាប់ទៅកាន់សន្និសីទសតវត្សទីប៉ាងឡុងលើកទី២១ ដើម្បីធ្វើការផ្សះផ្សាជាតិនិងស្វែងរកសន្តិភាពក្នុងស្រុក។

គណ:កម្មាធិការនេះត្រូវបានប្រគល់ភារកិច្ចដើម្បីចរចាជាមួយក្រុមប្រដាប់អាវុធនិងចុះហត្ថលេខីពីបទឈប់បាញ់គ្នា និងពិនិត្យក្របខ័ណ្ឌនយោបាយសម្រាប់ការធ្វើវិសោធនកម្មចាំបាច់។ គណ:កម្មាធិការនេះ ត្រូវបានបែងចែកជាអនុគណ:កម្មាធិការចំនួនពីរដាច់ដោយឡែកពីគ្នា ដើម្បីចរចាជាមួយក្រុមប្រដាប់អាវុធចំនួនពីរក្រុមទៀត។

ក្រុមប្រឹក្សារដ្ឋនិងជាប្រធានសហភាពសន្ទនាសន្តិភាពគណ:កម្មាធិការចំរុះ (UPDJC) លោកស្រី អ៊ុងសាន ស៊ូជី សន្យាថា នឹងរៀបចំសន្និសិទដើមភាគតិច ទទួលបានជោគជ័យក្នុងសតវត្សទីប៉ាងឡុងលើកទី២១ ដែលត្រូវបានកោះប្រជុំនៅលើមូលដ្ឋាន NCA នេះ។

នៅក្រោម NCA នេះ ភាគីទាំងពីរបានព្រមព្រៀងគ្នាលើជំហានក្រោយបទឈប់បាញ់គ្នាមួយចំនួន និងដំណើរការសន្តិភាពនៅមិនទាន់បានបញ្ចប់រួមទាំងការនាំយកក្រុមប្រដាប់អាវុធជនជាតិភាគតិចចំនួនប្រាំពីរផ្សេងទៀត ដែលមិនទាន់បានចុះហត្ថលេខាលើកិច្ចព្រមព្រៀងបទឈប់បាញ់គ្នា ដើម្បីបញ្ចប់ដំណើរការចុះហត្ថលេខានោះ៕

134716375_14449089027721n MYANMAR-master1050 MyanmarNCASigning2

Loading...