ព័ត៌មានអន្តរជាតិ ព្រឹត្តិការណ៍ សំខាន់ៗ

Update: ក្រុមខ្មាន់កាំភ្លើងវាយប្រហារសណ្ឋាគារសូម៉ាលី បណ្តាលឲ្យមនុស្សស្លាប់និងរបួស ៤០នាក់

សូម៉ាលី: ប៉ូលិសបានឱ្យដឹងថា ក្រុមខ្មាន់កាំភ្លើងបានវាយប្រហារសណ្ឋាគារមួយនៅរដ្ឋធានីម៉ូហ្កាឌីស៊ូ ប្រទេសសូម៉ាលី បន្ទាប់ពីបំផ្ទុះរថយន្តដែលពោរពេញទៅដោយគ្រឿងផ្ទុះនៅច្រកទ្វារចូលសណ្ឋាគារ  យ៉ាងហោចណាស់ បានបណ្តាលឲ្យមនុស្ស ១៥នាក់បានស្លាប់ និង២៥នាក់ទៀតរងរបួស។ នេះបើយោងតាមការចេញផ្សាយដោយ CNN នៅថ្ងៃទី២៦ មិថុនានេះ។

បន្ទាប់ពីការផ្ទុះឡានរួចហើយនោះ មានមនុស្សម្នាក់បានបំផ្ទុះខ្លួនឯងនៅខាងក្នុងសណ្ឋាគារ Naso Hablod ដែលខ្មាន់កាំភ្លើងវាយបំបែកអគារនេះ។ ប៉ូលិសសូម៉ាលីលោក Capt. Aden Dahir និយាយថា ប៉ូលីបានឆ្លើយតបនិងការចូលរួមនៅក្នុងការប្រយុទ្ធគ្នាជាមួយជនសង្ស័យជាច្រើនម៉ោងនោះ។

បើតាមវិទ្យុ Andalus បានប្រាប់ឲ្យដឹងថា ក្រុមសកម្មប្រយុទ្ធឥស្លាមនិយមអាល់សាបាអាប បានប្រកាសទទួលខុសត្រូវចំពោះការវាយ​ប្រហារនៅ​លើ​ប្រព័ន្ធផ្សព្វផ្សាយដ៏សំខាន់របស់ខ្លួន។

ប៉ូលិសបាននិយាយថា ភាគច្រើនអ្នកស្លាប់និងរងរបួសជនគឺជាស៊ីវិល​ហើយអតិថិជនទាំងនោះ បានមកទិញទំនិញនៅក្បែរហាងផ្សេងៗ ​និងស្ថានីយ​ឧស្ម័នមួយកន្លែងផងដែរ៕

542993556 160625133905-01-mogadishu-hotel-0625-ap-16177595788239-super-169 160625133950-04-mogadishu-hotel-0625-ap-16177589780901-exlarge-169

មតិយោបល់