Post News Media ព័ត៌មានអន្តរជាតិ Update: មីយ៉ា...

Update: មីយ៉ាន់ម៉ា ដុតលុយជាង ៥៦លានដុល្លារ ដែលរឹបអូសបានពីការលក់ថ្នាំញៀននៅទូទាំងប្រទេស

មីយ៉ាន់ម៉ា: អនុប្រធានប៉ូលិសលោក Kyaw Kyaw Min បានប្រាប់ស៊ីនហួថា អាជ្ញាធរមីយ៉ាន់ម៉ា បានដុតបំផ្លាញលុយជាង ៥៦លានដុល្លារសហរដ្ឋអាមេរិកដែលរឹបអូសបានពីការលក់ និងរត់ពន្ធគ្រឿងញៀនណាកូទីន នៅទូទាំងប្រទេស កាលពីថ្ងៃអាទិត្យនេះ  ដើម្បីប្រារព្ធខួបលើកទី២៩ នៃទិវាពិភពលោកប្រឆាំងនឹងការជួញដូរនិងការរត់ពន្ធគ្រឿងញៀនខុសច្បាប់។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានចិនស៊ិនហួ នៅថ្ងៃទី២៦ មិថុនានេះ។

ថ្នាំញៀនណាកូទីនធ្វើការដុតបំផ្លាញចោល រួមបញ្ចូលទាំងអ្នកដែលនៅក្នុងទីក្រុងយ៉ាំងហ្គោ, ទីក្រុង Mandalay ទីក្រុងណៃពិដោ និងទីក្រុង Taunggyi ។ ថ្នាំញៀនទាំងនោះត្រូវបានបំផ្លាញដែលមានតម្លៃទឹកប្រាក់ ១៩,៧លានដុល្លារសហរដ្ឋអាមេរិក នេះបើយោងតាមប្រធានប៉ូលិសតំបន់ យ៉ាំងហ្គោន លោក Win Naing។

នៅក្នុងព្រឹត្តិការណ៍កាលពីឆ្នាំមុន អាជ្ញាធរមីយ៉ាន់ម៉ា បានដុតលុយ ២៤៤,៦៥លានដុល្លារអាមេរិក នៅក្នុងទីក្រុងសំខាន់ចំនួនបី រួមមាន គឺទីក្រុងយ៉ាំងហ្គោន ទីក្រុង Mandalay និងទីក្រុង Taunggyi ។

ប្រទេសនេះបានពង្រីកផែនការលុបបំបាត់គ្រឿងញៀនរបស់ខ្លួនពីឆ្នាំ ២០១៤-២០១៥ ដល់ឆ្នាំ២០១៨-២០១៩ ដើម្បីប្រយុទ្ធប្រឆាំងនឹង គ្រឿងញៀន។ ប្រទេសមីយ៉ាន់ម៉ាត្រូវបានគេទទួលស្គាល់ថា ជាប្រទេសដែលកំពុងកើនឡើងអាភៀនធំជាងគេបំផុតនៅតំបន់អាស៊ីអាគ្នេយ៍ និងធំបំផុតរបស់ពិភពលោកទីពីរ បន្ទាប់ពីប្រទេសអាហ្វហ្គានីស្ថាន។

ដោយឡែក សម្រាប់ប្រទេសកម្ពុជាវិញ គ្រឿងញៀនប្រមាណជិត២តោន ត្រូវបានអាជ្ញាធរកម្ពុជា ដុតបំផ្លាញចោលនៅក្នុងទិវាអន្តរជាតិប្រយុទ្ធប្រឆាំងគ្រឿងញៀន នៅព្រឹកថ្ងៃទី២៦ ខែមិថុនា ឆ្នាំ២០១៦នេះ។

តាមរបាយការណ៍របស់គណ:កម្មការដុតបំផ្លាញគ្រឿងញៀន បានឲ្យដឹងថា សារធាតុញៀនដែលត្រូវដុតបំផ្លាញចោលនៅព្រឹកនេះ មានចំនួនសរុបជាង ១,៥៦៤គីឡូក្រាម ដែលរួមមាន សារធាតុញៀន ប្រភេទមេតំហ្វេតាមីន មានទម្ងន់៦៧,៤១គីឡូក្រាម ហេរ៉ូអ៊ីន ទម្ងន់៣៤៥,៣២ក្រាម កញ្ឆាស្ងួត ទម្ងន់១៤៩៤,៨៥គីឡូក្រាម និងកញ្ឆាទឹក ទម្ងន់១,៥គីឡូក្រាម៕

687474703a2f2f6d656469612e696e7465726e617a696f6e616c652e69742f696d616765732f323031352f30362f32362f3131313833362d6d642e6a7067

Loading...