Post News Media ព័ត៌មានអន្តរជាតិ Update: នៅទីប...

Update: នៅទីបំផុត ឧបករណ៍ថតសម្លេងទិន្នន័យរបស់យន្តហោះអេហ្ស៊ីប EgyptAir បានជួសជុលរួចហើយ

អេហ្ស៊ីប: ក្រុមអ្នកស៊ើបអង្កេតអេហ្ស៊ីបបាននិយាយនៅថ្ងៃអង្គារ៍នេះថា ឧបករណ៍ថតសម្លេងទិន្នន័យហោះហើររបស់យន្តហោះ EgyptAir MS804 ដែលបានធ្លាក់ចូលទៅក្នុងសមុទ្រមេឌីទែរ៉ាណេ កាលពីខែមុន ត្រូវបានគេជួសជុលដោយជោគជ័យវិញហើយ បន្ទាប់ពីវាត្រូវទឹកសមុទ្រជ្រាបចូល។ នេះបើយោងតាមការចេញផ្សាយដោយទីភ្នាក់ងារសារព័ត៌មានចិនស៊ិនហួ នៅថ្ងៃទី២៨ មិថុនានេះ។

ក្រុមអ្នកស៊ើបអង្កេតបាននិយាយនៅក្នុងសេចក្តីថ្លែងការណ៍មួយថា ដំណើរការជួសជុលនេះ ត្រូវបានធ្វើឡើងនៅមន្ទីរពិសោធន៍នៃការិយាល័យ​យន្ត​ហោះស៊ើបអង្កេតបារាំង ជាកន្លែងដែលការធ្វើតេស្តភាពត្រឹមត្រូវសម្រាប់ជើងហោះហើរមួយនេះ ត្រូវបានអនុវត្តដើម្បីធ្វើឱ្យប្រាកដថា​ឯកសារទិន្នន័យ​យន្តហោះ​គឺនៅតែថតសម្លេងជាប់ដដែល ពោលគឺមិនមានការខូចខាតឬបាត់បង់ឡើយ។

ដោយឡែក ដំណើរការជួសជុលនេះត្រូវបានធ្វើឡើងដោយអ្នកជំនាញមកពីការិយាល័យស៊ើបអង្កេតនេះ ត្រូវបានធ្វើជាសាក្សីតាមរយ:គណ:កម្មាធិ​ការ​ស៊ើបអង្កេតបន្ទាន់ បន្ទាប់ពីបញ្ជូនប្រអប់ខ្មៅរបស់ខ្លួនបានទៅដល់ទីក្រុងប៉ារីសផងដែរ។ អ្នកស្រាវជ្រាវបាននិយាយថា ការជួសជុលសំលេង​កាប៊ីន​យន្តហោះបានចាប់ផ្តើម អស់រយ:ពេលជាច្រើនម៉ោង។

សូមបញ្ជាក់ថា យន្តហោះ EgyptAir MS804 បានធ្លាក់ចូលទៅក្នុងសមុទ្រមេឌីទែរ៉ាណេ កាលពីថ្ងៃទី១៩ ខែឧសភា នៅពេលចាកចេញពី​ទីក្រុងប៉ារីស ទៅកាន់ទីក្រុងគែរ ដែលបានសំលាប់មនុស្សទាំងអស់ ៦៦នាក់៕

ប្រអប់ខ្មៅ EgyptAir 804

Loading...