វៀតណាម: បន្ទាប់ពីអាជ្ញាធរថៃបានចាប់ខ្លួនអ្នកនេសាទវៀតណាម ២៨នាក់និងបាញ់ពន្លិចទូករួចមក តំណាងមកពីអគ្គកុង ស៊ុលរបស់ក្រសួងការបរទេសវៀតណាមបានជួបជាមួយមន្ត្រីស្ថានទូតថៃនៅក្នុងទីក្រុងហាណូយដើម្បីតវ៉ាប្រឆាំងការប្រើអំពើហិង្សាប្រឆាំងនឹងអ្នកនេសាទវៀតណាមនិងស្នើសុំក្រសួងការបរទេសរបស់ប្រទេសថៃ ធ្វើការស៊ើបអង្កេតឧបទ្ទវហេតុនេះ។ នេះបើយោងតាមការចេញផ្សាយដោយទីភ្នាក់ ងារសារព័ត៌មានចិនស៊ិនហួរ នៅថ្ងៃទី១២ កក្កដា ឆ្នាំ២០១៦នេះ។

វៀតណាមបានឱ្យដឹងថា កងទ័ពជើងទឹកថៃបានបាញ់ទៅលើទូកនេសាទវៀតណាមទាំងបីគ្រឿង ដោយមានអ្នកនេសាទវៀតណាម ១៨នាក់ នៅលើទូកនេះ ដែលបានបណ្តាលឲ្យពីរនាក់រងរបួស ខណៈពេលដែលទូកនេសាទវៀតណាមពីរគ្រឿងផ្សេងទៀតបានលិចបាត់ ខណៈពេលដែល កំពុងត្រូវបាននាំទៅកាន់ដីគោក នៅក្នុងនោះក៏បានធ្វើឲ្យប្រធានក្រុមម្នាក់បាត់ខ្លួនផងដែរ។

ស្ថានទូតវៀតណាមប្រចាំនៅប្រទេសថៃបានឱ្យដឹងថា សមាជិកនាវិក ១៥ នាក់ដែលនៅសេសសល់ត្រូវបានគេយកទៅកាន់ដីគោកដោយនាវាកង ទ័ពជើងទឹកថៃ។ អ្នកនាំពាក្យរងនៃក្រសួងការបរទេសរបស់វៀតណាមលោក Pham Thu Hang ខណៈដែលឆ្លើយសំណួរអ្នកកាសែតស្តីពីអំពី ឧប្បត្តិហេតុនោះ បានឱ្យដឹងថា ស្ថានទូតវៀតណាមបានចាត់វិធានការការពារប្រជាពលរដ្ឋដែលចាំបាច់សម្រាប់ឃុំខ្លួនអ្នកនេសាទវៀតណាម។

ស្ថានទូតអាមេរិកបានជំរុញឱ្យភាគីថៃដើម្បីស្វែងរកនាវិកដែលបាត់ខ្លួនជាបន្ទាន់ ហើយភាគីថៃបានឱ្យដឹងថា ពួកគេបានបញ្ជូនឧទ្ធម្ភាគចក្រនិង នាវាដើម្បីទៅរកមើលសម្រាប់ប្រធានក្រុមដែលបាត់នេះ។ ទូកនេសាទត្រូវបានបាញ់ចេញដោយប៉ូលិសជើងទឹកថៃ បន្ទាប់ពីពួកគេត្រូវបានចោទ ប្រកាន់ថា បានរកឃើញនេសាទដោយខុសច្បាប់នៅក្នុងដែនទឹកថៃ។

ប្រព័ន្ធផ្សព្វផ្សាយថៃបានរាយការណ៍កាលពីថ្ងៃចន្ទថា កងទ័ពជើងទឹកថៃបានចាប់ខ្លួនសមាជិកនាវិកនៃនាវានេសាទវៀតណាមទាំងបីគ្រឿងពីបទ ចោទប្រកាន់ធ្វើការនេសាទដោយខុសច្បាប់នៅក្នុងឈូងសមុទ្រនៃប្រទេសថៃ៕