អង់គ្លេស: លោក David Cameron នឹងចាកចេញពីវិមាន Downing Street ដែលជាពេលវេលាលើកចុងក្រោយផងដែរ ហើយនៅថ្ងៃពុធនេះ លោកបានប្រគល់តំណែងឲ្យលោកស្រី Theresa May ជាផ្លូវការហើយ។ បច្ចុប្បន្ន លោកស្រីមានអាយុ ៥៩ឆ្នាំជាបេក្ខជនតែមួយគត់ដែលនៅសល់នៅក្នុងការប្រកួតថ្នាក់ដឹកនាំបក្សអភិរក្សនិយម បន្ទាប់ពីការដកលោកស្រី Andrea Leadsom កាលពីថ្ងៃចន្ទ។ នេះបើយោងតាមការចេញផ្សាយដោយ BBC នៅថ្ងៃទី១៣ កក្កដា ឆ្នាំ២០១៦នេះ។

លោក Cameron នឹងប្រឈមមុខនឹងសំណួរសួរដេញដោលចុងក្រោយរបស់លោកនៅក្នុងសភា Commons មុនពេលធ្វើដំណើរទៅរាជវាំង Buckingham ដើម្បីស្នើសុំលាលែងរបស់លោកទៅព្រះមហាក្សត្រិយានី ជាផ្លូវការ។

លោកបានប្រាប់កាសែត Daily Telegraph ដូចដែលខ្ញុំបានចាកចេញពីថ្ងៃនេះ ខ្ញុំសង្ឃឹមថាមនុស្សរាល់គ្នានឹងមើលឃើញប្រទេសខ្លាំងជាងមុន វាជាឯកសិទ្ធិដើម្បីបម្រើប្រទេសនេះដែលខ្ញុំស្រឡាញ់បំផុត។

សូមបញ្ជាក់ថា លោក Cameron នៅថ្ងៃត្រង់នេះដែលបាននិយាយថាលោកគ្រោងនឹងបន្តធ្វើជាសមាជិកសភានៅតំបន់ Witney នៅក្នុងរដ្ឋ Oxfordshire៕