អារ៉ាប់រួមៈ អគារខ្ពស់ ៧៥ជាន់ នៅក្នុងទីក្រុងឌូបៃប្រទេសអារ៉ាប់រួម ត្រូវបានឆេះនៅថ្ងៃពុធនេះ ដោយបង្កឲ្យមានការជម្លៀសប្រជាជនទ្រង់ទ្រាយធំមួយ ដើម្បីការពារសុវត្ថិភាពជនស៊ីវិល ហើយប៉ូលិសកំពុងប្រយុទ្ធប្រឆាំងនឹងគ្រោះអគ្គិភ័យនេះ និងបានបិទតាមដងផ្លូវនៅក្បែរនោះ។ នេះបើយោងតាមរយៈ សារព័ត៌មានចិនស៊ិនហួរ ចេញផ្សាយនៅយប់ថ្ងៃទី២០ ខែកក្កដា ឆ្នាំ២០១៦។

អគ្គិភ័យនេះ ត្រូវបានរលត់បន្ទាប់ពីប្រតិបត្តិការពន្លត់អស់រយៈពេលបីម៉ោង ហើយមកទល់ពេលនេះ មិនមានរបាយការណ៍បន្ទាន់ណា អំពីការស្លាប់ និងរបួសនោះទេ។

គួរបញ្ជាក់ដែរថា អគ្គិភ័យនេះ បានឆាបឆេះឡើង នៅកន្លែងជុំវិញជាន់ទី ៣៥ នៃអគារដ៏ខ្ពស់ នេះបើតាមប្រព័ន្ធផ្សព្វផ្សាយ ក្នុងស្រុកបានរាយការណ៍៕