ចិន: ក្រុមអាជ្ញាធរបាននិយាយកាលពីថ្ងៃព្រហស្បតិ៍នេះថា ព្យុះទីហ្វុង Nida បាន​បង្ខំជម្លៀសមនុស្សកើនឡើងដល់ជាង ៧.០០០នាក់នៅក្នុងខេត្ត Guizhou ភាគនិរតីរបស់ប្រទេសចិន។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅយប់ថ្ងៃទី០៤ សីហា ឆ្នាំ២០១៦នេះ។

សរុបមក ព្យុះទីហ្វុងបានធ្វើឱ្យប៉ះពាល់ដល់ ២៦.១៤១នាក់ នៅក្នុងតំបន់ទាំង ១២។ សរុបចំនួន ៧.០០៦នាក់ បានផ្លាស់ទីលំនៅពេលថ្ងៃត្រង់ថ្ងៃព្រហស្បតិ៍នេះ។

ព្យុះទីហ្វុងនេះបានរងការខូចខាតផលដំណាំ ១.១៩០ហិកតានិងបំផ្លាញផ្ទះ ៣៩១ខ្នង និងព្រមទាំងខាតបង់​សេដ្ឋកិច្ច​ដោយផ្ទាល់ ១៧,៩៤លានយ័ន ស្មើនឹង២,៧ លានដុល្លារសហរដ្ឋអាមេរិក នេះបើយោងតាម​ក្រសួង​កិច្ចការស៊ីវិលក្នុងស្រុក។ រដ្ឋាភិបាលក្នុងតំបន់បានបញ្ជូនជំនួយសង្គ្រោះបន្ទាន់​ទៅតំបន់ដែលរង​ផល​ប៉ះ​​ពាល់នេះ៕