អ៊ីរ៉ាក់: លោក Hussein al-Qaedi ជាមន្រ្តីទទួលខុសត្រូវតាមដាមលើការចាប់ពង្រត់ របស់ពួកសកម្មឃើដ យ៉ាជីឌី នៅក្នុងខេត្ត Duhok ប្រទេសអ៊ីរ៉ាក់ បានប្រកាសឲ្យដឹងថា ក្រុមសកម្មប្រយុទ្ធ ISIS បានចាប់កុមារ ១.៤០០ នាក់ ពីគ្រួសាររបស់ពួកគេ ដើម្បីយកទៅបណ្ដុះបណ្ដាលការវាយប្រហារអត្តឃាត។ នេះបើយោងតាមរយ: សារព័ត៌មានអាទ្បាទ្បាំ ចេញផ្សាយនៅថ្ងៃទី៤ ខែសីហា ឆ្នាំ២០១៦។

ថ្លែងនៅក្នុងសន្និសីទកាសែតមួយ លោក Qaedi បាននិយាយថា កុមារយ៉ាជីឌី ៤០០នាក់ ត្រូវបានផ្លាស់ ទីលំនៅពីស្រុកកំណើតរបស់ពួកគេ ក្នុងតំបន់ Sanjar និង Bashiqa បានទទួលរងសម្ពាធផ្លូវចិត្ត និងជំងឺផ្សេងៗទៀតផងដែរ។

លោកបានបន្ថែមថា ក្នុងនោះដែរ ក្រុមសកម្មប្រយុទ្ធ ISIS បានចាប់ជំរិតកុមារយ៉ាជីឌី ៣.៧៧០ នាក់ បន្ទាប់ពីកុមារចំនួន ២.៤៦០ នាក់ ត្រូវបានគេយកត្រឡប់មកវិញពីក្រុមភេរវករ កាលពីរយ:ពេលពីរឆ្នាំមុន៕