ចិន: ប៉ូលិសក្នុងតំបន់បាននិយាយថា មនុស្ស ៩នាក់បានសម្លាប់និង ២៧នាក់ផ្សេងទៀតរងរបួស នៅពេលដែលរថយន្តក្រុងមួយគ្រឿងបានបុកជាមួយរថយន្តដឹកទំនិញ នៅក្នុងខេត្ត Shandong ភាគខាងកើតរបស់ប្រទេសចិន។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅរសៀលថ្ងៃទី០៥ សីហា ឆ្នាំ២០១៦នេះ។
បន្ទាប់ពីបែកសំបកកង់ រថយន្តដឹកទំនិញបានបុករបាំងរួចក៏ជ្រុលទៅបុកជាមួយរថយន្តក្រុងតែម្តង ហើយហេតុការណ៍នេះបានកើតឡើងនៅវេលាម៉ោងប្រហែល ១និង៣០នាទីរសៀល នៅលើផ្លូវហាវ៉េ Jinan-Liaocheng នេះបើយោងតាមនគរបាលក្រុង Liaocheng។
សូមបញ្ជាក់ថា រថយន្តក្រុងមាន ៤៩កៅអី មានអ្នកដំណើរចំនួន ៤៨នៅលើរថយន្តក្រុងនេះ នៅពេលមានការប៉ះទង្គិចគ្នា។ មនុស្ស ៥នាក់ត្រូវបានប្រកាសថា ស្លាប់នៅនឹងកន្លែងកើតហេតុ ខណ:ពេលបួននាក់ទៀត បានស្លាប់នៅតាមផ្លូវទៅមន្ទីរពេទ្យ៕
មតិយោបល់