នេប៉ាល់: ឧទ្ធម្ភាគចក្រមួយគ្រឿងរបស់ក្រុមហ៊ុនអាកាសចរណ៍ Fishtail Air បានបាត់ខ្លួននៅរសៀលថ្ងៃច័ន្ទនេះ។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី៨ សីហា ឆ្នាំ២០១៦។

មន្ត្រីក្រុមហ៊ុននេះបានឱ្យដឹងថា ឧទ្ធម្ភាគចក្រប្រភេទ 9N-AKA របស់ខ្លួនបានបាត់ទំនាក់ទំនងចាប់តាំង ពីម៉ោង ១រសៀល ត្រូវនឹងម៉ោងនៅក្នុងស្រុក។

ឧទ្ធម្ភាគចក្រនេះត្រូវបានហោះមកពីស្រុក Gorkha ទៅកាន់ទីក្រុងរដ្ឋធានីនេប៉ាល់។ លោក Yadav Koirala អ្នកនាំពាក្យនៅក្រសួងទំនាក់ទំនងបានបង្ហើបឲ្យដឹងថា ព័ត៌មានបឋមផ្តល់ដោយក្រុមហ៊ុន អាកាសចរណ៍នេះ គឺមានមនុស្សចំនួន ៦នាក់នៅក្នុងឧទ្ធម្ភាគចក្រនេះ ហើយប្រតិបត្ដិការស្វែងរកនេះ គឺកំពុងតែដំណើរការ។

សូមបញ្ជាក់ថា ឧទ្ធម្ភាគចក្រនេះ បានដឹកជញ្ជូនអ្នកជំងឺជាច្រើននាក់ ចេញពីកន្លែងរញ្ជួយដីនៅតំបន់ Gorkha មកកាន់តំបន់ Kathmandu ដើម្បីធ្វើការព្យាបាលពួកគេ ក៏ប៉ុន្តែវាបានបាត់ខ្លួនតែម្តង មិនដឹងមូល ហេតុ៕