បន្ទាយមានជ័យ: នៅថ្ងៃទី៩ ខែសីហា ឆ្នាំ២០១៦នេះ ក្រោយពីគោរព ទង់ជាតិរួច អាវុធហត្ថក្រុងប៉ោយប៉ែត បានប្រជុំដាក់ផែនការ ដល់កម្លាំង ក្រោមឱវាទ។

ដោយបានទទួលបទបញ្ជា ពីលោកឧត្ដមសេនីយ៍ត្រី ឱ បូរិន្ទ មេបញ្ជាការកង រាជអាវុហត្ថ ខេត្តបន្ទាយមានជ័យ កន្លងមកលោកវរ:សេនីយ៍ត្រី ជា ដា មេបញ្ជាការមូលដ្ឋាន កងរាជអាវុធ ហត្ថក្រុងប៉ោយប៉ែត បានប្រជុំរឹតបន្តឹង ការងារសន្តិសុខ ដល់កងកម្លាំងប្រដាប់អាវុធហត្ថ គ្រប់បណ្តា គោលដៅ ទាំងអស់ ត្រូវអនុវត្តន៏ ឲ្យបានតឹងរឹង នូវបទបញ្ហារបស់ លោកឧត្ដមមេបញ្ជាការ ជាពិសេស រាល់បទល្មើសផ្សេងៗ ដែលកើតមាន ទ្បើងនៅ ក្នុងក្រុងប៉ោយប៉ែត ត្រូវអនុវត្តច្បាប់ រាជរដ្ឋាភិបាល គោលនយោបាយ ភូមិឃុំមានសុវត្ថភាព ឲ្យមានប្រសិទ្ធភាពខ្ពស់ និងបទបញ្ជា របស់ថ្នាក់លើនិង បទបញ្ជាផ្ទៃ ក្នុងរបស់អង្គភាព ឲ្យបានម៉ឹងម៉ាត់ជូនប្រជាពលរដ្ឋ។

ក្នុងនោះដែរលោកវរ:សេនីយ៍ត្រី ជា ដា មេបញ្ចាការមូលដ្ឋានកងរាជអាវុធហត្ថ ក្រុងប៉ោយប៉ែត បានមានប្រសាសថា កន្លងមកកងរាជអាវុធហត្ថ តែងតែ ចុះពង្រឹងនៅ តាមគោលដៅនានា ក្នុងក្រុងប៉ោយប៉ែត គឺដើម្បីការពារសន្តិសុខ ជូនបងប្អូនប្រជាពលរដ្ឋរស់នៅឲ្យបានសុខស្រួល ជាពិសេស តាមកន្លែង លក់ដូរនៅតាមទីផ្សារ នានាឲ្យមានសន្តិសុខល្អផងដែរ៕