ព័ត៌មានអន្តរជាតិ ព្រឹត្តិការណ៍ សំខាន់ៗ

Delta លុបចោលជើងហោះហើរ២៥ ដោយបញ្ហាអាកាសធាតុ

អាមេរិក: ក្រុមហ៊ុនអាកាសចរណ៍ Delta Air Line Inc បាននិយាយថា ខ្លួនបានលុបចោលជើងហោះហើរប្រហែល២៥ នៅថ្ងៃព្រហស្បតិ៍នេះ ដោយសារតែ អាកាសធាតុមិនអំណោយផល ខណ:ប្រតិបត្តិការត្រឡប់ទៅវិលធម្មតាវិញ បន្ទាប់ពីមានដាច់ប្រព័ន្ធភ្លើង កុំព្យូទ័រ កាលពីថ្ងៃច័ន្ទ ដែលនាំឱ្យមានការលុបចោលការហោះហើរជិត ២.០០០។ នេះបើយោងតាមការ​ចេញផ្សាយដោយសារព័ត៌មាន Channel News Asia នៅយប់ថ្ងៃទី១១ សីហា ឆ្នាំ២០១៦។

បន្ទាប់ពីបញ្ហាត្រូវបានដោះស្រាយរួច ក្រុមហ៊ុនអាកាសចរណ៍នេះ បានព្រមានថា អ្នកដំណើរជា​ច្រើននៅ​តែ​ប្រឈមមុខនឹងការពន្យារពេលនិងលុបចោល ដោយសារតែផលប៉ះពាល់នៃការរំខានមុននេះ។ នៅក្នុង​គេហ​ទំព័ររបស់ក្រុមហ៊ុនអាកាសចរណ៍នេះ បានប្រាប់ឲ្យដឹងថា ខ្លួនបានបម្រើអតិថិជនចំនួន​ប្រហែល ១៨០លាន​នាក់ក្នុងមួយឆ្នាំ ហើយបានជួលបុគ្គលិកជាង ៨០.០០០នាក់។

សូមបញ្ជាក់ថា Delta ជាប់ចំណាត់ថ្នាក់ទីបីនៅលើពិភពលោក នេះបើយោងតាមស្ថាប័ន​ឧស្សាហកម្ម​សមាគម IATA។ ក្រុមហ៊ុននេះ បានណែនាំឱ្យអតិថិជនដើម្បីពិនិត្យមើលស្ថានភាព​នៃការហោះហើរ​របស់​ខ្លួន មុនពេលធ្វើដំណើរទៅព្រលានយន្តហោះផងដែរ៕

Delta Delayed

មតិយោបល់