ចិន: សហរដ្ឋអាមេរិកនឹងដាក់ពង្រាយប្រព័ន្ធប្រឆាំងមីស៊ីល THAAD របស់ខ្លួន នៅក្នុងប្រទេសកូរ៉េខាងត្បូង ដោយអះអាងថា វាជាខែលអាចទប់ស្កាត់ការគំរាមកំហែងពី​សាធារណរដ្ឋប្រជាមានិតប្រជាធិបតេយ្យកូរ៉េ (កូរ៉េខាងជើង)។ ប៉ុន្តែមិនប្រព្រឹត្ដបែបល្ងីល្ងើឬបែប​មិន​ទទួល​ខុសត្រូវនោះទេ។ មហាអំណាចមួយនេះ មិនបានសម្ដែងនៅក្នុងការចាប់អារម្មណ៍របស់​កូរ៉េខាង​ត្បូង ប៉ុន្តែមានបំណងបម្រើរបៀបវារៈរបស់ខ្លួន។ នេះបើយោងតាមការចេញផ្សាយដោយ​សារព័ត៌មានចិន​ស៊ិនហួ នៅថ្ងៃទី២៩ កក្កដា ឆ្នាំ២០១៦នេះ។

ប្រហែលពីរសប្តាហ៍មុន ក្រសួងការពារជាតិរបស់ប្រទេសកូរ៉េខាងត្បូង បានប្រកាសកិច្ចព្រមព្រៀងមួយ​ជា​មួយអាមេរិក ដើម្បីដាក់ប្រព័ន្ធ THAAD (ការពារជាតិតំបន់ស្ថានីយកម្ពស់ខ្ពស់) នៅក្នុងតំបន់ភាគខាង​ត្បូង​របស់ខ្លួន បើទោះបីជាមានការប្រឆាំងម្តងហើយម្តងទៀតពីប្រជាជនក្នុង​ស្រុកនិងបណ្តាប្រទេសជិត​ខាងក៏ដោយ។

THAAD ត្រូវបានបង្កើតឡើងដោយក្រុមហ៊ុនការពារជាតិសហរដ្ឋអាមេរិក ដែលមានឈ្មោះថា ក្រុមហ៊ុន Lockheed Martin ។ វាគឺជាប្រព័ន្ធមីស៊ីលប្រឆាំងកងទ័ពសហរដ្ឋអាមេរិក បានរចនាឡើង​ដើម្បីបាញ់​ទម្លាក់មីស៊ីលផ្លោងរយៈចម្ងាយខ្លីនិងមធ្យម នៅក្នុងដំណាក់កាលស្ថានីយរបស់ពួកគេ។ វាត្រូវបានផ្សំឡើង​ដោយបាញ់ចល័តចំនួន ៦ និងទប់ស្កាត់ប្រព័ន្ធរ៉ាដានិងគ្រប់គ្រងការបាញ់ផ្សេងៗ ដែលវាតម្លៃប្រមាណ ១,៣ពាន់លានដុល្លារសហរដ្ឋអាមេរិក។

សូមជម្រាបថា ប្រទេសចិននិងរុស្ស៊ី បានសម្តែងការប្រឆាំងយ៉ាងខ្លាំងទៅនឹងការដាក់ពង្រាយ THAAD ដែលជាប្រព័ន្ធរ៉ាដា X-band របស់ខ្លួន ដែលអាចមើលឃើញទឹកដីរបស់ចិននិងរុស្ស៊ី ឆ្ងាយហួសពី​សាធារ​ណរដ្ឋប្រជាមានិតប្រជាធិបតេយ្យកូរ៉េ (កូរ៉េខាងជើង)៕