អាមេរិក: មនុស្សប្រាំពីរនាក់ បានរងរបួសកាលពីថ្ងៃសុក្រ បន្ទាប់ពីឆេះរោងចក្រចម្រាញ់ប្រេង នៅកំពង់ផែ Arthur ចម្ងាយប្រហែល ១៤៦គីឡូម៉ែត្រ ភាគខាងកើតនៃទីក្រុង Houston ក្នុងរដ្ឋតិចសាស់សហរដ្ឋអាមេរិក។

ហេតុការណ៍នេះ បានកើតឡើងនៅឯរោងចក្រចម្រាញ់ប្រេង Sunoco ជារោងចក្រចម្រាញ់ប្រេងធំជាងគេ នៅសហរដ្ឋអាមេរិក មានសមត្ថភាពផលិតអតិបរមា ៦៣៦.៥០០ធុងក្នុងមួយថ្ងៃ។

ប៉ូលិសតំបន់ Jefferson បានបញ្ជាក់ថា មានអណ្ដាតភ្លើង ប៉ុន្តែមិនបាននិយាយទេថា ភ្លើងឆេះនោះ បានកើតឡើងដោយសារអ្វី ខណ:ដែលមនុស្សចំនួន ៧នាក់ បានរងរបួសរលាក និងត្រូវបញ្ជូនទៅកាន់ មន្ទីរពេទ្យក្នុងតំបន់ភ្លាមៗ៕