Post News Media ព័ត៌មានអន្តរជាតិ រុស្ស៊ីចំណាយថ...

រុស្ស៊ីចំណាយថវិកាជាង ៧,៣ ពាន់លានដុល្លារអាមេរិក សម្រាប់គម្រោងអភិវឌ្ឍតំបន់ពីរ

រុស្ស៊ី: នាយករដ្ឋមន្ត្រីរុស្ស៊ីលោក Dmitry Medvedev នៅថ្ងៃពុធនេះ បានចុះហត្ថលេខាលើក្រឹត្យមួយ ដើម្បីអនុម័តកម្មវិធីអភិវឌ្ឍសេដ្ឋតំបន់ Far East និង Baikal របស់ខ្លួន។ នេះបើយោងតាមរយ: សារព័ត៌មានចិនស៊ិនហួរ ចេញផ្សាយនៅថ្ងៃទី១៧ ខែសីហា ឆ្នាំ២០១៦។

ថវិកាសរុបលើកម្មវិធីនេះ នឹងមានរយ:ពេលចាប់ពី ២០១៦-២០២៥ ដែលត្រូវចំណាយទឹកប្រាក់អស់ជាង ៧,៣ ពាន់លានដុល្លារអាមេរិក នេះបើយោងតាម ឯកសារដែលចេញផ្សាយ នៅលើគេហទំព័ររបស់ រដ្ឋាភិបាលរុស្ស៊ី។

កម្មវិធីនេះ នឹងត្រូវបានអនុវត្តជាពីរដំណាក់កាល ដោយដំណាក់កាលដំបូង ចាប់ពីឆ្នាំ ២០១៦ រហូតដល់ឆ្នាំ ២០២០ និងលើកទីពីរពីឆ្នាំ ២០២១ ដល់ឆ្នាំ ២០២៥ ។

ការអភិវឌ្ឍសម្រាប់កម្មវិធីនេះ ក្នុងគោលបំណងដើម្បីកែលម្អសង្គមសេដ្ឋកិច្ចនៃតំបន់ Far East និង Baikal ដើម្បីបំពេញតម្រូវការនៃកម្លាំងពលកម្ម និងរក្សាចំនួនប្រជាជនឲ្យរស់នៅក្នុងតំបន់ Far East ។

លើសពីនេះទៅទៀត កម្មវិធីនេះនឹងជួយបង្កើតការងារជាង ១០០.០០០ នាក់ សម្រាប់អ្នកនៅតំបន់ Far East ៕

medvedev-ap491882268206