ថៃ: នាយករដ្ឋមន្ដ្រីលោក ប្រាយុទ្ធ ចាន់អូចា បាននិយាយជាលើកដំបូងថា លោក​នឹង​យល់ព្រមដើម្បីពិភាក្សាអំពីការក្លាយជានាយករដ្ឋមន្ដ្រីនៅអាណត្តិក្រោយបន្តទៀត បើសិនមានការគាំទ្រ​ពីប្រជាពលរដ្ឋ បន្ទាប់ពីការបោះឆ្នោតមួយ​ប្រសិនបើមិនមានជម្រើសផ្សេងទៀតល្អជាងនេះ។ នេះបើ​យោង​តាមការចេញផ្សាយដោយសារព័ត៌មានបាងកកប៉ុស្តិ៍ នៅថ្ងៃទី១៨ សីហា ឆ្នាំ២០១៦។

លោកឧត្តមសេនីយ៍ប្រាយុទ្ធបានបញ្ជាក់ថា «កុំសួរអំពីរឿងដែលមិនអាចគ្រោងទុកជាមុន​បែប​នេះ​។ ដូចដែលខ្ញុំបាននិយាយថា ហេតុអ្វីបានជាយើងភ័យខ្លាចខ្មោចលង ដែលយើងមើលមិនឃើញ​សោះ​ហ្នឹង​? នរណាម្នាក់ផ្សេងទៀត អាចជានាយករដ្ឋមន្ដ្រីនៅអាណត្តិក្រោយ ហើយខ្ញុំគិតថា មានមនុស្សជាច្រើន​ទៀត ដែលអាចដឹកនាំល្អប្រសើរជាងខ្ញុំ​។ លោកថា សូមព្យាយាមជ្រើសរើសមេដឹកនាំម្នាក់ក្នុង​ចំណោម​ពួក​គេ ប៉ុន្តែប្រសិនបើអ្នកពិតជាមិនអាចរកឃើញ​នរណាម្នាក់ល្អជាងនេះ បន្ទាប់មកដើម្បីពិភាក្សាជាមួយ​នឹង​ខ្ញុំ»​។

លោកបានឆ្លើយតបទៅនឹងសំណួររបស់លោក Paiboon Nititawan ជាអតីតសមាជិកនៃក្រុមប្រឹក្សា​កំណែ​ទម្រង់ជាតិ ឥឡូវនេះ គាត់បានប្រកាសពីចេតនារបស់គាត់ក្នុងការបង្កើតគណបក្សនយោបាយមួយ ហើយចាប់ផ្តើមដឹកនាំនៅអាណត្តិក្រោយទៀត បើសិនពួកគេនៅតែបន្តគាំទ្រយើង៕