អាមេរិក: បេក្ខភាពប្រធានាធិបតី លោក Donald Trump បានធ្វើការសុំទោស កាលពីថ្ងៃព្រហស្បតិ៍ ចំពោះការលើកឡើងរបស់លោកពីមុនដែលធ្វើឲ្យមានការឈឺចាប់ផ្ទាល់ខ្លួន ខណ:ដែលលោកបានស្វែងរកការផ្ដោតអារម្មណ៍ជាថ្មី ដែលប្រឈមមុខនឹងការធ្លាក់ចំនួនសំឡេងឆ្នោតស្ទង់មតិ នៅក្នុងសុន្ទរកថាដំបូង ចាប់តាំងពីបានអង្រួនក្រុមយុទ្ធនាការនៅសប្តាហ៍នេះ។នេះបើយោងតាមសារព័ត៌មានស៊ីនហួ ចុះផ្សាយនៅថ្ងៃទី១៩ ខែសីហា ឆ្នាំ ២០១៦។

លោក Trump បានប្រាប់ហ្វូងមនុស្សនៅទីក្រុង Charlotte រដ្ឋ North Carolina យ៉ាងដូច្នេះថា «ពេលខ្លះនៅក្នុងកម្ដៅនៃការជជែកពិភាក្សាគ្នា និងការនិយាយលើបញ្ហាមួយច្រើនកុះករនោះ អ្នកមិនអាចជ្រើសពាក្យត្រឹមត្រូវ ឬ អ្នកអាចនិយាយអ្វីខុស ។ ខ្ញុំបានធ្វើរឿងនោះ ហើយខ្ញុំសោកស្តាយណាស់, ជាពិសេសវាអាចបណ្តាលឱ្យមានការឈឺចាប់ផ្ទាល់ខ្លួន»៕