Post News Media ព័ត៌មានអន្តរជាតិ អ្នកនាំពាក្យប...

អ្នកនាំពាក្យប្រធានាធិបតីហ្វីលីពីន មិនស្វាគមន៍តំណាងអន្តរជាតិលើករណីស៊ើបអង្កេតបាញ់សម្លាប់

ហ្វីពីលីន: អ្នកនាំពាក្យមួយរូបរបស់ប្រធានាធិបតីហ្វីលីពីនលោក Rodrigo Duterte បាននិយាយកាលពីថ្ងៃសៅរ៍នេះថា លោកមិនស្វាគមន៍ចំពោះតំណាងអន្ដរជាតិនិងមិនចាំបាច់ធ្វើ ការស៊ើបអង្កេតលើការចោទប្រកាន់អំពើបាញ់សម្លាប់មនុស្សយ៉ាងគំហុកក្រៅតុលាការទាក់ទងនឹងគ្រឿងញៀននៅក្នុងប្រទេសនេះ។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅរសៀលថ្ងៃ ទី២០ សីហា ឆ្នាំ២០១៦។

អ្នកនាំពាក្យប្រធានាធិបតីរូបនេះ គឺលោក Ernesto Abella បានប្រតិកម្មតបទៅនឹងអ្នករាយការណ៍ ពិសេសអង្គការសហប្រជាជាតិលោកស្រី Agnes Callamard បានឱ្យដឹងថា រដ្ឋាភិបាលហ្វីលីពីន មិន បានផ្ញើលិខិតអញ្ជើញទៅឱ្យភាគីទីបីណាមួយនោះឡើយ ដើម្បីសម្លឹងមើលចូលទៅក្នុងកិច្ចការផ្ទៃក្នុងរដ្ឋ ហ្វីលីពីន។

សូមជម្រាបថា ក្រុមសិទ្ធិមនុស្សអន្តរជាតិបានសម្តែងការព្រួយបារម្ភទៅលើការបាញ់ សម្លាប់ជនសង្ស័យ ថ្នាំញៀននៅក្នុងប្រទេសនេះយ៉ាងគំហុក។ ប្រព័ន្ធផ្សព្វផ្សាយបានកត់ត្រាទុកពីករណីបាញ់ សម្លាប់មនុស្ស ជិត ៧០០នាក់ ចាប់តាំងពីលោកប្រធានាធិបតី Duterte ឡើងកាន់អំណាចកាលពីថ្ងៃទី៣០ ខែមិថុនា៕

Presidential candidate Rodrigo "Digong" Duterte (C) listens as Senatorial candidates Dionisio Santiago (R) and Sandra Cam talk to him during election campaigning in Malabon, Metro Manila

Loading...