Post News Media ព័ត៌មានអន្តរជាតិ Update: អ្នកប...

Update: អ្នកបំផ្ទុះគ្រាប់បែកអត្តឃាតនៅពិធីអាពាហ៍ពិពាហ៍ មានអាយុពី ១២ទៅ ១៤ឆ្នាំ

តួកគី: លោកប្រធានាធិបតីតួកគី Recep Tayyip Erdogan បាននិយាយអះអាង​កាល​ពីថ្ងៃអាទិត្យថា អ្នកបំផ្ទុះគ្រាប់បែកអត្តឃាតមានអាយុចន្លោះពី ១២ទៅ ១៤ឆ្នាំ ដែលពួកគេបាន​ទទួល​ខុសត្រូវចំពោះការវាយប្រហារនៅពិធីអាពាហ៍ពិពាហ៍មួយកន្លែង នៅក្នុងទីក្រុង Gaziantep របស់ប្រទេសតួកគី ដែលបានសម្លាប់មនុស្សយ៉ាងហោចណាស់ ៥០នាក់និងរងរបួសជិត ១០០នាក់។ នេះបើយោងតាមការចេញផ្សាយដោសសារព័ត៌មាន Channel News Asia នៅថ្ងៃទី២២ សីហា ឆ្នាំ២០១៦។

លោក Erdogan បាននិយាយនៅក្នុងអំឡុងពេលសន្និសីទកាសែតមួយពីរដ្ឋធានីអ៊ីស្តង់ប៊ុលថា ករណី​បំផ្ទុះ​នេះគឺជាលទ្ធផលនៃការបំផ្ទុះគ្រាប់បែកអត្តឃាតមួយ ដែលមានក្មេងអាយុចន្លោះពី ១២ទៅ ១៤ឆ្នាំតែ​ប៉ុណ្ណោះ ដែលបានបំផ្ទុះគ្រាប់បែកនេះ។ ហើយលោកបានអះអាងម្តងហើយម្តងទៀតថា ការវាយប្រហារ​ដំបូង ដែលបានបង្កឡើងដោយក្រុមរដ្ឋអ៊ីស្លាម។

សូមបញ្ជាក់ថា ករណីបំផ្ទុះខាងលើនេះ បានកើតឡើងនៅក្នុងទីក្រុង Gaziantep ដែលមានទីតាំងចម្ងាយ​ប្រហែល ៩៥គីឡូម៉ែត្រ ស្មើនឹង ៦០ម៉ាយ ភាគខាងជើងនៃទីក្រុងអាឡេប៉ូជាប់ព្រំប្រទល់របស់ស៊ីរី ដែល​ហែកហួរដោយសង្គ្រាមឥតឈប់ឈរ៕

Turkey bomber

Turkey-explosion wedding

turkey-explosion