ព័ត៌មានអន្តរជាតិ ព្រឹត្តិការណ៍ សំខាន់ៗ

សកម្មប្រយុទ្ធ ៤០នាក់ត្រូវសម្លាប់ ក្នុងប្រតិបត្ដិការយោធានៅប៉ាគីស្ថាន

ប៉ាគីស្ថាន: សេចក្តីថ្លែងការណ៍កងទ័ពមួយ បាននិយាយថា យ៉ាងហោចណាស់ពួកសកម្មប្រយុទ្ធ ៤០ នាក់ ត្រូវបានសម្លាប់ និង ២១ នាក់ទៀតរងរបួស ក្នុងប្រតិបត្តិការយោធា ដែលកំពុងបន្តនៅតំបន់កុលសម្ព័ន្ធ Khyber ភាគពាយ័ព្យរបស់ប៉ាគីស្ថាន ក្នុងរយ:ពេលជាងមួយសប្តាហ៍ចុងក្រោយនេះ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី២៣ ខែសីហា ឆ្នាំ២០១៦។

បើតាមអ្នកនាំពាក្យស្នងការដ្ឋានកងទ័ពប៉ាគីស្ថាន បានឲ្យដឹងក្នុងសេចក្តីថ្លែងការណ៍ថា កន្លែងលាក់ខ្លួន របស់ពួកសកម្មប្រយុទ្ធ ៤៣ នាក់ ត្រូវបានបំផ្លាញផងដែរ សម្រាប់ការវាយលុកប្រដាប់អាវុធនៅល្អាង Rajgal នៃតំបន់ Khyber ដែលជាតំបន់កុលសម្ព័ន្ធពាក់កណ្តាលស្វយ័ត ស្ថិតនៅតាមបណ្តោយព្រំដែនប៉ាគីស្ថាន និងអាហ្គានីស្ថាន។

ការវាយប្រហារនេះ ត្រូវបានធ្វើទ្បើងដោយប្រតិបត្ដិការកងកម្លាំងពីលើអាកាស និងគោកក្នុងតំបន់ល្អាង Rajgal ចាប់តាំងពីថ្ងៃទី ១៦ ខែសីហា ដើម្បីពង្រឹងការដាក់ពង្រាយកងទ័ព និងប្រសិទ្ធិភាពការពារប្រឆាំង ព្រមទាំងពិនិត្យមើលចលនាភេរវករ នៅតាមបណ្តោយភ្នំ និងស្ថានភាពអាកាសធាតុទាំងអស់ ក្នុងតំបន់ Khyber ផងដែរ៕

40 militants killed in NW Pakistan military operation1

មតិយោបល់